Advertisement
އިލެކްޝަންސް ކޮމިޝަންގެ މެމްބަރުން --
އެންޓިކެމްޕެއިންތަކާއި ގުޅޭ ޝަކުވާ ހުށައެޅުމަށް ޚާއްސަ ނަމްބަރެއް!
ރައްޔިތުންގެ މަޖިލީހުގެ އިންތިޚާބާއި، ދިމާކޮށް ކެންޑިޑޭޓުންގެ އިންތިޚާބީ ހައްޤަށް އުނިކަން ލިބޭފަދަ ގޮތްގޮތަށް އެންޓިކެމްޕޭން ކުރާ ފަރާތްތަކުގެ ޝަކުވާ ހުށައެޅުމާއި އެކު ފޮޓޯ އާއި ވީޑިއޯ ފޮނުވުމަށް ޚާއްޞަ ނަމްބަރެއް އިލެކްޝަންސް ކޮމިޝަނުން ހަމަޖައްސައިފިއެވެ.
އިލެކްޝަންސް ކޮމިޝަނުން ވިދާޅުވީ، އެންޓިކެމްޕެއިންގެ ގޮތުގައި ފާހަގަވާ ކަމަކާ ގުޅޭ ގޮތުން ޝަކުވާ ހުށައެޅުމަށް ފޮޓޯ އާއި ވީޑިއޯ އެތަނެއްގެ މައުލޫމާތާއި އެކު، 7962129 މިނަމްބަރަށް ވަޓްސްއަޕް މެދުވެރިކޮށް ހުށައެޅުއްވުމަށް އެދޭކަމަށެވެ.
ރައްޔިތުންގެ މަޖިލީހުގެ އިންތިޚާބުގެ ވޯޓުލުން އަންނަ އާދީއްތަ ދުވަހު ބޭއްވުމަށް ހަމަޖައްސާފައިވާއިރު، ކެންޑިޑޭޓުންނަށް އެންޓިކެމްޕޭން ކުރާ ފަރާތްތަކާއި މެދު ޤާނޫނީ ފިޔަވަޅު އަޅާނެ ކަމުގެ އިންޒާރު އިއްޔެ އިލެކްޝަންސް ކޮމިޝަނުން ވަނީ ދީފައެވެ.
