ޖަޒީރާ ޓެލެގްރާމް ގުރޫޕްގެ މައްސަލައިގައި، އުމުރުން 60 އަހަރުގެ މީހަކު ބަންދުކޮށްފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، އެމީހާ ހައްޔަރުކޮށްފައި ވަނީ، މިހުސްވި މާރިޗު މަހުގެ 30 ވަނަ ދުވަހުގައި ކަމަށެވެ. އަދި ފުރަތަމަ އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޟިރު ކުރުމުން އޭނާގެ ބަންދަށް ފުރަތަމަ ޖަހައިދިން ބަންދު 15 ދުވަސް ހަމަވުމުން އިތުރު 15 ދުވަސް ކޯޓުންދީފައިވާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

އެނގިފައިވާ ގޮތުގައި ޖަޒީރާ ޓެލެގްރާމް ގުރޫޕްތަކުގެ މައްސަލައިގައި ހައްޔަރުކޮށްފައި އެމީހާ އަކީ ޓެކްސީ ޑްރައިވަރެކެވެ. އެމީހާއަކީ، ޖަޒީރާ އެސްކޯޓްގެ ނަމުގައި މީހުންނާއި ތަކެތި އެއްތަނުން އަނެއްތަނަށް އުފުލައިދިނުމުގައި އެހީތެރިވެދެމުން އައި މީހާއެވެ.

ޖަޒީރާގެ ނަމުގައި ހިންގަމުން އައި ޓެލެގްރާމް ޗެނަލްތަކުގައި، އައީ މަސްތުވާތަކެއްޗާއި ހަށިވިއްކުމުގެ ވިޔަފާރި ފުޅާ ދާއިރާއެއްގައި ކުރަމުންނެވެ. އެގުރޫޕު ފުލުހުންގެ ބެލުމުގެ ދަށަށް ގެނެސް އެގުރޫޕް ހިންގުމުގައި އަމަލީ ގޮތުން މަސައްކަތްކޮށްފައިވާ ފަރާތްތައް ފުލުހުން ވަނީ އަތުލައިގެންފައެވެ.

ޖަޒީރާ އެޑްމިން، ޖަޒީރާ ގާލްސް، ޖަޒީރާ އެސްކޯޓް ގެލަރީ، ޖަޒީރާ ސްކޭމް އެލާޓް އަދި ޖަޒީރާ ލިންކް ހަބަރުގެ ނަމުގައި ޓެލެގްރާގައި ގުރޫޕްތައް ހިންގަމުން އައި މީހުން ހައްޔަރުކޮށް އެގްރޫޕް ފުލުހުންގެ ބެލުމުގެ ދަށަށް ގެންގޮސްފައި ވަނީ، ހުސްވި މާރިޗު މަހުގެ 13 ވަނަ ދުވަހުގައެވެ.