ފަތުރުވެރިކަމުގެ ޚިދުމަތްދޭ ތަންތަނުން ނަގަމުން އަންނަ ޓެކްސް ޓީޖީއެސްޓީން ބައެއް ކައުސިލްތަކަށް ދެއްވާނެ ކަމުގައި، ރައިސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވި އިރު ކައުސިލްތަކަށް ފައިސާ ދިނުމަކީ ކުރީ ސަރުކާރުގައި ފަށާއި މިހާރުވެސް ހިނގަމުން އަންނަ ކަމެއް ކަމުގައި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ އެމްޑީޕީގެ މަޖިލިސް ކެމްޕޭނުގެ ތެރެއިން، ރޭ. ތ ތިމަރަފުށީގައި ބޭއްވި، ޖަލްސާގައި ވާހަކަފުޅު ދައްކަވަމުންނެވެ. އެދާއިރާއަށް އެމްޑީޕީގެ ޓިކެޓްގައި ވާދަކުރައްވަނީ، ކުރީގެ ކޮމިޝަނަރ ޖެނެރަލް އޮފް ޓެކްސޭޝަން ފަތުޙުއްﷲ ޖަމީލެވެ.

ރައީސް ޞާލިޙް ވިދާޅުވީ، އެމްޑީޕީ ސަރުކާރުން ކަނޑައަޅައި ތަންފީޒް ކުރަންފެށި ސިޔާސަތަކީ، ދައުލަތުގެ މުޅި ބަޖެޓުގެ އެއް ޕަސެންޓް ކައުންސިލްތަކަށް ދިނުން ކަމަށެވެ. އޭގެ އިތުރަށް ރަށްރަށުން ބިމު ކުލީގެ ގޮތުގައި ލިބޭ ފައިސާގެ %40 ކައުންސިލްތަަކަށް ދިނުމަށް ނިންމައި އަމަލުކުރަމުން ގޮސްފައިވާ ކަމަށެވެ. އަދި ދައުލަތުގެ ޖުމުލަ އާމްދަނީގެ ތެރޭގައި ހުރިހާ ޓެކްސްއެއްވެސް ހިމެނޭނެ ކަމުގައި ރައީސް ޞާލިޙް ވިދާޅުވިއެވެ.

ރައީސް ޞާލީހް ވިދާޅުވީ ވެރިކަމުގައި ތިއްބަވާ ބޭފުޅުން އެހައްދަވަމުން ގެންދަވާ ދޮގާއި އޮޅުވާލުމުގެ ސަބަބުން، މަޖިލީހުގެ ތެރެއިން ފިޔަވަޅު އަަޅަންޖެހޭ ހިސާބަށް މިހާރު ހިނގައްޖެކަމަށެވެ. 

ރައްޔިތުންގެ މަޖިލީހުގެ އިންތިޚާބު އަންނަ ހޮނިހިރު ދުވަހު ބޭއްވުމަށް ހަމަޖައްސާފައި ވާއިރު، އިންތިޚާބުގެ ކެމްޕޭންތަކުގެ ތެރޭގައި ސަރުކާރުން ގެންދަނި އައު ވަޢުދުތައް ވަމުންނެވެ އެވައުދުތަކުގެ ތެރޭގައި ކުރީގެ ސަރުކާރުގައި ނިންމައި ތަންފީޒް ކުރަން ފަށާފައިވާ ކަންކަންވެސް ހިމެނެެއެވެ.