އަންނަ އާދިއްދަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބާއިގުޅިގެން 40 ވުރެ ހުށައެޅިފައިވާ ކަމުގައި އިލެކްޝަންސް ކޮމިޝަނުން ވިދާޅުވެއްޖެއެވެ.

އެކޮމިޝަނުން ވިދާޅުވީ، މަޖިލިސް އިންތިޚާބާއި ގުޅިގެން އިއްޔެއާ ހަމައަށް 41 މައްސަަލައެއް ހުށައަޅާފައިވާ ކަމަށާއި އޭގެ ތެރެއިން ގިނަ މައްސަލަތަކަކީ، ވޯޓާސް ރަޖިސްޓްރީއަށް ހުށައަޅާފައިވާ ޝަކުވާތަކެއް ކަމުގައެވެ. މީގެ އިތުރުން ކެންޑިޑެންސީއާއި ގުޅޭ މައްސަލަތައްވެސް ކޮމިޝަނަށް ވަނީ ހުށައަޅާފައެވެ.

އެކޮމިޝަނުން ވިދާޅުވެފައި ވަނީ، ހުށައެޅިފައިވާ މައްސަލަ ތަކުގެ ތެރެއިން 38 މައްސަލައެއް މިހާރު ބަލައި ނިންމާފައި ވާކަމަށެވެ.

ރައްޔިތުންގެ މަޖިލީހުގެ އިންތިޚާބުގެ ކެމްޕޭނުގައި އިންތިޚާބުގެ ޤާނޫނާއި ޚިލާފަށް ކެންޑިޑޭޓުންނާއި ސަޕޯޓަރުން އަމަލުކުރަމުން އަންނަ ކަމުގެ ޝަކުވާތައްވެސް އަންނަނީ ކުރަމުންނެވެ. މިގޮތުން ސަރުކާރުން ވަޒީފާގެ ބިރު ދައްކައި އިންތިޚާބަށް ނުފޫޒު ފޯރުވުމާއި ގުޅޭ ވާހަކަތައް ސަރުކާރު ހިންގާ ޕާޓީ ޕިއެންސީގެ ކެންޑިޑޭޓަކު ދައްކާފައި ވާއިރު، އެމައްސަލަ ބަލާނެ ކަމުގައިވެސް އީސީން ވަނީ ވިދާޅުވެފައެވެ.