މި އޭޕްރީލް މަހުގެ 5 ވަނަ ދުވަހު ހުޅުމާލޭގައި ހިނގި އެކްސިޑެންޓެއްގައި ސީރިއަސް އަނިޔާތަކެއް ލިބުނު ޒުވާނާ ނިޔާވެއްޖެއެވެ.

ނިޔާވެފައި ވަނީ، ދ. ކުޑަހުވަދޫ، ރޭދުވާ، މުހައްމަދު ވިޝާލް، (18އ) އެވެ.

އޭނާ އެކްސިޑެންޓްވީ އޭޕްރީލް މަހުގެ 5 ވަނަ ދުވަހު ހުޅުމާލެ ފޭސް 2 ގެ ނިރޮޅުމަގުގައި ދެސައިކަލެއް ޖެހިގެންނެވެ. އެހާދިސާއަށް ފަހު ވިޝާލް ނިޔާވީ އޭޑީކޭ ހޮސްޕިޓަލްގައި ފަރުވާ ދެމުންދަނިކޮށް މިރޭގެ އިރާކޮޅުގެ ވަގުތެއްގައެވެ.

ވިޝާލްއަކީ، ހުޅުމާލެ ފޭސް 1 ގައި ހުރި އެސްޖޭ މޯލްގައި ވަޒީފާ އަދާކުރަމުން ދިޔަ ޒުވާނެކެވެ. އެކްސިޑެންޓްގައި އެޒުވާނާ ނިޔާވުމާއި ގުޅިގެން އެސްޖޭކުންފުނީގެ ފަރާރުން ވަނީ އެޒުވާނާގެ އާއިލާއަށް ތަޢުޒިޔާ ފޮނުވާފައެވެ.

ވިޝާލްގެ ޖަނާޒާ އާއު ކަށުނަމާދު އޮންނާނީ މިރޭގެ 00؛00 ގައި، މަސްޖިދު ޒައިދު ބިން ޘާބިތް (ހުޅުމާލެ ސަހަރާ މިސްކިތް)ގައެވެ.