Advertisement

ފޮޓޯ: Baramyou0708

25 Apr 2023
ދީން
މިފްތާޙް މުޙައްމަދު

ހަ ރޯދަ ހިފައި މުޅި އަހަރު ދުވަހު ރޯދަ ހިފުމުގެ ޘަވާބު

ރަމަޟާން މަސް އަހަރެމެންނާއި ވަކިވެގެން ހިނގައްޖެއެވެ. ރަމަޟާން މަހުގެ ބޭނުން ހެޔޮގޮތުގައި ހިފައިފި މީހާ ވާކަން ކަށަވަރީ ބާއްޖަވެރިންގެ ތެރެއިންނެވެ. އެމީހުންނަށް ދެން އޮތީ ހެޔޮ ޢަމަލުތައް ކުރުންމަތީ ދެމިތިބުމެވެ. ރަމަޟާން މަހު ބަރާބަރަށް ފަރުޟު ފަސް ނަމާދު ކޮށްފައިވާނަމަ, އެ ނަމާދުތައް ރަމަޟާން މަހަށް ފަހުގައި ވެސް ކުރުން މަތީ ދެމި ތިބޭށެވެ. ކޮންމެ ދުވަހަކު ވެސް ޤުރުއާނުން ޞަފްޙާއެއް ކިޔެވޭތޯ ބަލާށެވެ

ރަމަޟާން މަސް އަހަރެމެންނާ ވަކިވެގެން ދިޔައީ, ޝައްވާލު މަހުގެ ހަ ރޯދައިގެ ނިޢުމަތަށް މަގު ފަހިކޮށްދީފައެވެ. އެހެންކަމުން ތިބާއީ ހެޔޮކަމަށް އެދޭ މީހާއަށްވެ, ދީލަތިވަންތަ الله ދެއްވި މި ނިޢުމަތުގެ ފައިދާ ހޯދުމަށް އަވަސްވެ ގަންނާށެވެ. އެހެނީ މި ނިޢުމަތުން މުޅި އަހަރު ދުވަހުގައި ރޯދަ ހިފުމުން ލިބޭ ޘަވާބާއި ދަރުމެ ލިބޭނެއެވެ

ހަ ރޯދަ އާއި ގުޅޭގޮތުން މާތް ނަބިއްޔާ ﷺ ގެ ހަދީޘްފުޅެއްގެ މާނައިގައިވެއެވެ. "ރަމަޟާންމަހު ރޯދަ ހިފައި އެއަށްފަހު އެއާ ވިދިގެން ޝައްވާލު މަހުން ހަ ރޯދަ ހިފައިފި މީހާ މުޅި އަހަރު ރޯދަ ހިފި ފަދައެވެ."

ހަ ރޯދަ އަކީ ނިމިދިޔަ ރޯދަ މަހު ފަރުވާ ކުޑަކުރެވިފައިވާނަމަ އެކަން ފޫބެއްދުމަށް ލިބޭ ރަނުގެ ފުރުސަތެކެވެ. ތައުބާގެ ހިތަކާއެކު الله ގެ ހަޟްރަތަށް ރުޖޫޢަވުމުގެ ރަނގަޅު ފުރުސަތެކެވެ. އެހެނީ ހެޔޮ ޢަމަލުތަކަކީ ނުބައި ކަންތައް ފޮހެލާ ކައްފާރާއެކެވެ.

ޝައްވާލުމަހުގެ ހަ ރޯދަ, އެ މަހުގެ ކޮންމެ ދުވަސް ކޮޅެއްގައި ވެސް ހިފޭނެކަމަށް ވާރިދުވެފައިވެއެވެ. ބޭނުން ނަމަ ކުރީކޮޅުގައި ހަ ރޯދަ ހިފާނީއެވެ. ނުވަތަ މެދު ތެރޭގައި ހިފާނީއެވެ. ނުވަތަ ފަހު ކޮޅުގައި ހިފާނީއެވެ. އަދި ބޭނުން ނަމަ ޝައްވާލު މަހުގެ އެކި ދުވަސްތަކުގައި ހަ ރޯދަ ހިފައިގެންވެސް ހަމަ ކުރެވިދާނެއެވެ. އަސްހާބު ބޭކަލުންގެ ފަރާތުން ވާރިދުވެފައިވާ ގޮތުގައި އެންމެ މޮޅު އިތުރު ގޮތަކީ ޝައްވާލު މަހުގެ ކުރީ ކޮޅު ރޯދަތައް ހިފާ ހަމަ ކުރުމެވެ

މަސްދަރު: ހުކުރު ޚުޠުބާ: 21 އޭޕްރިލް 2023 (ރަމަޟާން މަހަށްފަހު ހެޔޮޢަމަލު ކުރުންމަތީ ދެމިތިބޭށެވެ!)

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.