ތ. ވިލުފުށިން، ތ. ރަކީފުއްޓަށް ދަތުރުގޮސް އުޅެނިކޮށް މަރުވި 17 އަހަރުގެ އަންހެންކުއްޖާގެ ހަށިގަނޑު މިރޭ މާލެ ގެނެސްފިއެވެ.

މާލެއަށް ރަށްވެހިކަން އޮންނަ ތ. ވިލުފުށީގައި އާއިލާ ގާތުގައި ދިރިއުޅެމުން އައި 17 އަހަރުގެ އަންހެންކުއްޖާ މަރުވެފައި ވަނީ، އާއިލާ އާއެކު ދަތުރުގޮސް އުޅެނިކޮށެވެ. އެކުއްޖާ މޫދަށް އެރި އުޅުނީ، އެހެން ކުދިންތަކަކާއި އެކުގައި ކަމަށާއި، އެކުއްޖާ މޫދުގައި އޮއްވައި ފިޓުޖެހުނީކަމަށް ވާހަކަ ދެކެވޭ ކަމަށް ވިލުފުށިން މައުލޫމާތު ދިން މީހަކު ބުންޏެވެ.

ކުއްޖާ މޫދުތެރޭގައި ބަންޑުން ގިނައިރު އޮވެ އަދި ކައީރީގައި އޮތް އާނުގަނޑު މައްޗަށް ލައްވުމުން، އެމީހުންނާއި އެކު ދަތުރުގޮސް އުޅު މީހަކަށް ފެނިގެން ބެލި އިރު އެކުއްޖާއަށް އޮތީ ފިޓުޖެހިފައި ކަމަށްވެސް ދަތުރު ދިޔަ މީހުން ބުނެފައިވެއެވެ.

Advertisement

ހާދިސާއާއި ގުޅިގެން އެކުއްޖާ ވިލުފުށީ ޞިއްޙީމަރުކަޒަށް ގެންދިޔައިރުވެސް އޮތީ މަރުވެފައި ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ.

މަރުވި ކުއްޖާގެ ހަށިގަނޑު މާލެ ގެނެސްފައި ވަނީ އިތުރު ތަޙްޤީޤަށެވެ.