ޖުމްހޫރީ މައިދާނުގައި ހަދާފައިވާ ފައްވާރާ -- ފޮޓޯ: އަހުމަދު ޒާހިރު (ފޭސްބުކް)
ޖުމްހޫރީ މައިދާނުގައި ހަދާފައިވާ ފައްވާރާ މަރާމާތުކޮށް އަލުން ހުޅުވައިފި
ރައީސް ޔާމީނުގެ ވެރިކަމުގެ ދުވަސްވަރު، މާލޭގެ ޖުމްހޫރީމައިދާނުގައި ހެދި މިއުޒިކަލް ފައުންޓަން (ފައްވާރާ) އަލުން މަރާމާތުކޮށް މިރޭ ހުޅުވައިފިއެވެ.
މިތަން މަރާމާތުކޮށް އަލުން ހުޅުވާލީ، ފިޠުރު އީދަށް މާލެ ޒީނަތްތެރި ކުރުމުގެ މަސައްކަތް ތަކުގެ ތެރޭގައި ހިމަނައިގެންނެވެ. މިތަން ވަރަށް އަވަހަށް އާއްމުންނަށް ހުޅުވާލާނެ ކަމުގައި މިނިސްޓަރ އޮފް ސިޓީސް ލޯކަލް ގަވަރމެންޓް އެންޑް ޕަބްލިކް ވޯކްސް އާދަމް ޝަރީފް އުމަރު ވަނީ ވިދާޅުވެފައެވެ.
މި ފައްވާރާއަކީ، މިހާރުގެ ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ހައުސިންގ މިނިސްޓަރުކަމުގެ މަޤާމުގައި ހުންނެވި ދުވަސްވަރު، މިނިވަން 50 ގެ ހަރަކާތްތަކާއި ގުޅުވައިގެން ހެދި ފައްވާރާއެކެވެ. އެތަން އޭރު ހަދާފައި ވަނީ އެމްޓީސީސީންނެވެ.