އަޅުގަނޑުމެން ކުރާ ހެޔޮ ޢަމަލުތަކަށް ރައްކާތެރިވުމަކީ، އަޅުގަނޑުމެން ސަމާލުކަންދޭންޖެހޭ މުހިންމު ކަމެއް. 

އެހެންކަމުން ރޯދައާ ހެޔޮ އަމަލުގެ އެކާވީސްވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ބިދުޢަ ހެދުމާ ގުޅޭގޮތުން.

ކީރިތި ރަސޫލާ ޙަދީޘްކުރައްވަނީ؛

« من عمل عملا ليس عليه أمرنا فهو ردّ  » متّفق عليه

މާނައީ: "މި ދީނުގައި ތިމަންކަލޭގެފާނު ގެނެސްދެއްވާފައިވާ ގޮތް ނޫން ގޮތެއްގެ މައްޗަށް ކަމެއްކޮށްފިމީހާ ދަންނާށެވެ. ފަހެ އެކަމެއް ރައްދުކުރެވޭނެއެވެ." އެބަހީ އެ ޢަމަލެއް ބާޠިލް ކުރެއްވޭނެއެވެ. 

ލޮބުވެތި މުސްލިމް އަޚުންނާއި އުޚްތުން! ބިދުޢައާއި ޚުޒަޢުބަލާތާއި ޚުރާފާތުގެ މައްޗަށް އަޅުގަނޑުމެންގެ އަޅުކަންތައް ބިނާ ނުކުރައްވާ! އަޅުކަމެއް ކުރުމުގެ ކުރިން އެ އަޅުކަމެއް ކުރަން ދީނުގައި އައިސްފައިވާ އެންމެ ޞައްޙަ ގޮތް އުނގެނިވަޑައިގަންނަވާ! އޭރުން އަޅުގަނޑުމެންގެ ޢަމަލަކީ ބޭކާރު އެއްޗެއް ކަމުގައި ނުވާނެ.