އަޅުގަނޑުމެން ކުރާ ހެޔޮ ޢަމަލުތަކަށް ރައްކާތެރިވުމަކީ، އަޅުގަނޑުމެން ސަމާލުކަންދޭންޖެހޭ މުހިންމު ކަމެއް. 

އެހެންކަމުން ރޯދައާ ހެޔޮ އަމަލުގެ ނަވާރަވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ކީރިތި ރަސޫލާ ގެނެސްދެއްވި ހިދާޔަތު ބޮލާލައިޖެހުމުގެ ނުބައިކަމާ ގުޅޭގޮތުން.

ﷲ ތަޢާލާ ވަޙީކުރައްވަނީ:

﴿ فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ ‎ ﴾ [النور: 24].

މާނައީ: "ފަހެ، އެކަލޭގެފާނުގެ أمر ފުޅާ خلاف ވާމީހުންނަށް ބަލާއެއް ނުވަތަ ވޭންދެނިވި عذاب އެއް ޖެހިދާނެކަމަށް، އެއުރެން ބިރުވެތިވާހުށިކަމެވެ! "

ލޮބުވެތި މުސްލިމް އަޚުންނާ އުޚްތުން! އަޅުގަނޑުމެން ކުރާ ޢަމަލުތައް ޤަބޫލުވެގެންދާނީ މާތް ނަބިއްޔާ ދެއްކެވި ހިދާޔަތުގައި ހިފަހައްޓައިގެން. އެކަލޭގެފާނަށް ފުރިހަމަ މާނައިގައި ތަބާވެގެން. އެހެންކަމުން އެކަމާމެދު ޚާއްޞަ ސަމާލުކަމެއް ދޭބަޔަކަށް އަޅުގަނޑުމެން ވަމާތޯ!