ހުޅުމާލެއިން ގެއްލިގެން ހޯދަމުން ދިޔަ ކުޑަކުއްޖާ ފެނިފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، ގެއްލިގެން ހޯދަމުންދިޔަ ކުޑަކުއްޖާ ފެނިފައި ވަނީ މާލެއިން ކަމަށެވެ. ގެއްލިގެން ހޯދަމުން ދިޔައީ، ރ. އިނގުރައިދޫ، ކަނބުރުގެ، ޢާއިޝަތު ޒީވާ ސަޢީދު، (13 އަހަރު) އެވެ.

ފުލުހުންގެ އިދާރާއިން ވިދާޅުވީ، އެކުއްޖާ ދިރިއުޅެމުން ދިޔައީ، ހުޅުމާލެ ފޭސް 2، ހިޔާގެ 12 ވަނަ ޓަވަރުގެ އެޕާޓްމެންޓެއްގައި ކަމަށާއި، އެކުއްޖާ ގެއްލިގެން އާއިލާއިން ފުލުހުންނަށް ރިޕޯޓްކޮށްފައި ވަނީ، އޭޕްރިލް 01 ވަނަ ދުވަހުގެ ރޭ 07:45 ހާއިރުގައި ކަމަށެވެ.

ފުލުހުންގެ އިދާރާއިން ވިދާޅުވީ، ފެނުނު އިރު ކުއްޖާގެ ހާލު ރަނގަޅު ކަމަށެވެ. އެހެން ނަމަވެސް އެކަމާއި ގުޅޭ އިތުރު އެހެން މައުލޫމާތެ ފުލުހުން ހާމައެއް ނުކުރެއެވެ.