Advertisement
ގާޒާގެ ހާލަތު --
ރާއްޖޭގެ ޒަކާތު ފަންޑުން ގާޒާއަށް ކާބޯތަކެތީގެ އެހީ ފޮނުވަން ނިންމައިފި
ރާއްޖޭގައި ޤާއިމްކޮށްފައިވާ ޒަކާތު ފަންޑަށް ލިބިފައިވާ ފައިސާއިން، ގާޒާގައި ދިރިއުޅޭ ފަލަސްޠީނުގެ ރައްޔިތުންނަށް ކާބޯތަކެތީގެ އެހީ ފޯރުކޮށް ދިނުމަށް ސަރުކާރުން ނިންމައިފިއެވެ.
މިކަން ހާމަކުރެއްވީ، މިނިސްޓަރ އޮފް އިސްލާމިކް އެފެއާޒް ޑރ. މުހައްމަދު ޝަހީމް އަލީ ސައީދެވެ.
އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު --
އިސްލާމިކް މިނިސްޓަރ ޝަހީމް ވިދާޅުވެފައިވާ ގޮތުގައި ޒަކާތު ފަންޑުން ފަލަސްޠީނުގެ ޣައްޒާގައި ހާލުގައި ޖެހިފައިވާ ފަރާތްތަކަށް އެހީވުމަށް ނިންމަވާފައި ވަނީ، ރައީސުލްޖުމްހޫރިއްޔާގެ އިރުޝާދުގެ ދަށުން ކަމަށެވެ.
އޮކްޓޫބަރު މަހުގެ 7 ވަނަ ދުވަހުން ފެށިގެން، ޣައްޒާއަށް އިޒްރާއީލުން ދެމުން އަންނަ ހަމަލާތަކުގައި މިހާތަނަށް 32000 ވުރެ ގިނަ މީހުން ވަނީ މަރުވެފައެވެ. އޭގެ އިތުރުންވެސް ގައްޒާއަށް ކާބޯތަކެއްޗާއި ބޯފެން ވެއްދުމަށް އިޒްރާއީލުން ހުރަސް އަޅާފައިވާތީ، ގައްޒާގެ އެތައް ބަޔަކު ދަނީ ބަނޑުހައި ހޫނު ކަމުގައި މަރުވަމުންނެވެ.
