ހުޅުމާލެ ފޭސް 2 އިން ކުޑަ އަންހެންކުއްޖަކު ގެއްލިގެން އެކުއްޖާ ހޯދުމަށް ފުލުހުން އިއުލާނުކޮށްފިއެވެ.

ފުލުހުންގެ އިދާރާއިން ހާމަކޮށްފައިވާ ގޮތުގައި ގެއްލިގެން ހޯދަމުންދަނީ، ރ. އިނގުރައިދޫ، ކަނބުރުގެ، ޢާއިޝަތު ޒީވާ ސަޢީދު، (13 އަހަރު) އެވެ. ފުލުހުންގެ އިދާރާއިން ވިދާޅުވީ، އެކުއްޖާ ދިރިއުޅެމުން ދިޔައީ، ހުޅުމާލެ ފޭސް 2، ހިޔާގެ 12 ވަނަ ޓަވަރުގެ އެޕާޓްމެންޓެއްގައި ކަމަށާއި، އެކުއްޖާ ގެއްލިގެން އާއިލާއިން ފުލުހުންނަށް ރިޕޯޓްކޮށްފައި ވަނީ، އޭޕްރިލް 01 ވަނަ ދުވަހުގެ ރޭ 07:45 ހާއިރުގައި ކަމަށެވެ.

އާއިލާ އާއި ހަވާލާދީ ފުލުހުން ބުނީ، އެކުއްޖާ އެންމެ ފަހުން ފެނިފައި ވަނީ، އޭޕްރިލް 01 ވަނަ ދުވަހުގެ 18:00 އެހައިކަންހާއިރު، އެ ކުއްޖާ ދިރިއުޅޭ އެޕާޓްމަންޓުން ކަމަށާއި އެއިރު އެކުއްޖާ ލައިގެން ހުރީ ބެއިޖް ކުލައިގެ ޓޮޕަކާއި ހަމަ އެކުލައިގެން ޕޮކެޓް ޖިންސެއްކަމަށް އާއިލާއިން ފުލުހުންނަށް މައުލޫމާތުދީފައިވާ ކަމަށެވެ.

މިކުއްޖާ އާއި ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަން ނަންބަރު 3035336 އަށް ގުޅުއްވައި އެ މަޢުލޫމާތެއް ޙިއްޞާކުރެއްވުމަށް އެދޭކަމުގައި ފުލުހުންގެ އިދާރާއިން ވަނީ ބުނެފައެވެ.