Advertisement
ސިޓީ ކައުންސިލުން އާއްމުކުރި ވީޑިއޯގެ ސްކްރީން ޝޮޓެއް ---
މިސްކިތުން ވައްކަން ކުރި މީހަކު ހޯދައި ހައްޔަރުކޮށްފި
މާލެ މަސްޖިދުއްތަޤުވާއިިން ފަންކާއެއް ވަގަން ނެގި މީހަކު ހޯދައި ހައްޔަރުކޮށްފިއެވެ.
ތަޤުވާ މިސްކިތުން މީހަކު ފަންކާއެއް ވަގަށް ނަގައިގެން މީހަކުދާ މަންޒަރު ފެންނަ ސީސީޓީވީ ފުޓޭޖް ސިޓީކައުންސިލުން އިއްޔެ އާއްމު ކުރިއެވެ. އެކަމާއި ގުޅިގެން ފުލުހުންގެ ތަރުޖަމާނު އަޙްމަދު ޝިފާން ވިދާޅުވީ، އެވީޑިއޯގައި ފެންނަ މީހާ ހޯދައި ފުލުހުން އޭނާ ހައްޔަރުކޮށްފައިވާ ކަމަށެވެ.
ސިޓީ ކައުންސިލުން ވަނީ، ތަޤުވާމިސްކިތުން ތިންރޭ މަތިން 7 ފަންކާ ވަގަން ގެންގޮސްފައިވާކަން ހާމަކޮށްފައެވެ.
މާލޭގެ މިސްކިތްތަކުން ވައްކަން ކުރުމުގެ މައްސަލައަކީ، ޒަމާންވީ މައްސަަލައެކެވެ. އެމައްސަލަ ހައްލު ކުރުމަށް ސިޓީ ކައުންސިލުން މިސްކިތްތަކުގައި ސީސީޓީވީ ކެމެރާ ހަރުކޮށް މޮނީޓަރ ކުރަންފެށި ނަމަވެސް، މިސްކިތްތަކަށް ގެއްލުން ދިނުމާއި މިސްކިތްތަކުން ވައްކަން ކުރުން ހުއްޓިފައެއް ނުވެއެވެ.
