ގޮވާމުގެ ބާވަތްތަކުން ފިޠުރު ޒަކާތް ބަލައިގަންނަން ފަށައިފިއެވެ. 

މޯލްޑިވިސް ޒަކާތު ހައުސްއިން ހާމަކޮށްފައިވާ ގޮތުގައި، ގޮވާމުގެ ބާވަތްތަކުން ޒަކާތް ބަލައިގަތުމަށް ހަމަޖައްސާފައި ވަނީ މިއަދުން ފެށިގެން އަންނަ އޭޕްރީލް މަހުގެ 9 ވަނަ ދުވަހުގެ ނިޔަލަށެވެ. މިގޮތުން މިއަދުން ފެށިގެން އޭޕްރީލް މަހުގެ 8 ވަނަ ދުވަހާއި ހަމައަށް ގޮވާމުގެ ބާވަތްތަކުން ޒަކާތް ބަލައިގަންނާނީ، ކޮންމެ ދުވަހެއްގެ މެންދުރުފަހު 13:00 އިން 16:00އަށެވެ. އަދި އޭޕްރީލްމަހުގެ 9 ވަނަ ދުވަހު ޒަކާތް ބަލައިގަންނާނީ، މެންދުރުފަހު 13:00 އިން އިރުއޮއްސި 18:00އަށެވެ.

މޯލްޑިވުސް ޒަކާތު ހައުސްއިން ހާމަކޮށްފައިވާ ގޮތުގައި، ޒަކާތް ބަލައިގަތުމުގެ އިންތިޒާމްތައް ހަމަޖައްސާފައި ވަނީ އަމީނިއްޔާ ސްކޫލުގެ ހޯލުގައެެވެ. އަދި ޒަކާތްދައްކަން ވަޑައިގަންނަވާ ބޭފުޅުން އަމީނިއްޔާ ސްކޫލަށް ވަދެވަޑައިގެންނެވުމަށް ހަމަޖައްސާފައި ވަނީ ލިލީމަގަށް ހުންނަ ދޮރޯށިން ކަމުގައިވެސް މޯލްޑިވްސް ޒަކާތު ހައުސްއިން ހާމަކުރައްވާފައިވެއެވެ.

ގޮވާމުގެ ތެރެއިން ޒަކާތް ބަލައިގަންނާނީ، އާދައިގެ ހަނޑޫ، ތައިލެންޑް ހަނޑޫ، ބާސްމަތީ ހަނޑޫ، ރަތް ހަނޑޫ،  އަދި ގޮދަން ފުށާއި އާޓާފުށުުންނެވެ.

މި ރަމަޟާން މަހުގެ ފުރަތަމަ 10 ދުވަސް ނިމުނު އިރު ޒަކާތުގެ ގޮތުގައި 1.5 މިލިއަން ރުފިޔާ ވަނީ ދައްކާފައެވެ.