ކުޑަ ކަމަކުން ބޮޑު ދަރުމައެއް: ހިނިތުންވުން
ކުޑަ ކަމަކުން ވެސް ގިނަ ދަރުމަ ހޯދިދާނެ.
ސާދަވަނަ އެޕިސޯޑުގައި ޝެއިޙް އިލްޔާސް ޖަމާލް ވާހަކަފުޅު ދެއްކެވީ ހިނިތުންވުމުން ލިބޭ ދަރުމާއާ ގުޅޭ ގޮތުން.
ކީރިތި ރަސޫލާ ޙަދީޘް ކުރައްވަނީ
«تَبَسُّمُكَ فِي وَجْهِ أَخِيكَ صَدَقَةٌ»
މާނައީ: "ތިބާގެ އަޚާއަށް ހިނިތުންވުމަކީ ޞަދަޤާތެކެވެ."
ލޮބުވެތި މުސްލިމް އަޚުންނާއި އުޚްތުން! ކޮންމެ ދުވަހަކު ޞަދަޤާތްކުރާނެހާ ފައިސާ އަޅުގަނޑުމެން އަތުގެ ނުހުރެދާނެ. އެކަމަކު ހަމަގައިމުވެސް ހިނިތުން ވުމަކީ އަޅުގަނޑުމެންނަށް ކުރެވިދާނެ ކަމެއް. އޭގެ ސަބަބުން އެތައް ޞަދަޤާތެއްގެ ސަވާބާއި ދަރުމަ އަޅުގަނޑުމެންނަށް ލިބިގެންދާނެ. އެހެންކަމުން ވީ މިންވަރަކުން މިކަމަކަށް ޚާއްޞަ ސަމާލުކަމެއް ދެމާތޯ؟