ސާބިތު ދަރަނީގެ މައްސަލައެއް ސާބިތުވެ އިންތިޚާބުގައި ވާދަނުކުރެވޭނެ ކަމަށް ސްޕްރީމްކޯޓުން ކަނޑައެޅުމާއެކު، ވިޔަފާރިވެރިޔާ ޙަސަން ޝިޔާމް (ވީބީ ހަސަން) އޭނާ ވާދަކުރައްވާ ދާއިރާގެ އެމްޑީޕީގެ ކެންޑިޑޭޓަށް ތާއީދު ކުރެއްވުމަށް ނިންމަވައިފިއެވެ.

ރައްޔިތުންގެ މަޖިލީހުގެ އިންތިޙާބުގައި ވީބީ ޙަސަން އަމިއްލަ ގޮތުން ކުރިމަތިލެއްވީ، މެދު ހެންވޭރު ދާއިރާއަށެެވެ. އެހެން ނަމަވެސް އޭނާގެ ކެންޑިޑެންސްީ ބާޠިލްކަމަށް ކަނޑައަޅައި ދިވެހިރާއްޖޭގެ ސްޕްރީމްކޯޓުން މިއަދު ހުކުމް ކުރުމާއިއެކު، އެދާއިރާއަށް ވާދަކުރައްވާ، އެމްޑީޕީގެ ކެންޑިޑޭޓް އިބްރާހިމް އަލީ ޖަލީލު (އިބޫ ޖަލީލު)އަށް ތާޢީދުކުރުމަށް ނިންމަވައި ޙަސަން ވަނީ އޭނާ އާއި އަދި އެމްޑީޕީގެ އިސްބޭފުޅުންނާއިވެސް ބައްދަލު ކުރައްވާފައެވެ.

ވީބީ ހަސަންގެ ސާބިތު ދަރަންޏެއް އޮތްކަމަށް ބުނެ އޭނާގެ ކެންޑިޑެންސީ ބާޠިލްކުރުމަށް ސްޕްރީމްކޯޓަށް މައްސަލަ ހުށައެޅީ، ހ. ކްއީން، އިލްޔާސް އަހުމަދެވެ. ވީބީ ހަސަންގެ ސަޕޯޓަރުން ތުހުމަތުކޮށްފައިވާ ގޮތުގައި، އެމައްސަލަ ހުށައެޅި އިލްޔާސް އަކީ، އެދާއިރާއަށް ދަ ޑިމޮކްރެޓްސްގެ ޓިކެޓްގައި ވާދަކުރައްވާ ކެންޑިޑޭޓާއި ގުޅުން އޮތް އަދި އެކެނޑިޑޭޓަށްފައިދާ ހޯދައިދިނުމަށް މަސައްކަތް ކުރާ ފަރާތެކެވެ.

Advertisement