Advertisement
އެމްޑީޕީފގެ ޗެއާ ޕަރސަން ފައްޔާޒު އިސްމާޢީލް --
ފައްޔާޒަށް ކުރާ އާރްޑީސީގެ ޚިޔާނާތުގެ ތުހުމަތަކީ ސިޔާސީ ތުހުމަތެއް!
އާރްޑީސީގެ ޚިޔާނާތާއި ގުޅުވައި އެމްޑީޕީގެ ޗެއާ ޕަރސަން ފައްޔާޒް އިސްމާޢީލަށް ކުރާ ތުހުމަތަކީ ސިޔާސީ ތުހުމަތެއް ކަމުގައި ފައްޔާޒު ވިދާޅުވެއްޖެއެވެ.
ދިވެހި ފުލުހުންގެ ޚިދުމަތުން މިއަދު ވަނީ، އެޚިދުމަތުން ތަޙްޤީޤު ކުރަމުންދާ އާރްޑީސީގެ ޚިޔާނާތުގެ މައްސަލައިގެ ތަޙްޤީޤަށް ސުވާލު ކުރުމަށް ބޭނުންވާތީ ފުލުހުންގެ މަރުކަޒަށް ޙާޟިރުވުމަށް ފައްޔާޒަށް އަންގަވާފައެވެ. އެކަމާއި ގުޅޭ ގޮތުން ފައްޔާޒު ވިދާޅުވީ، މިފެށުނީ، އަސާސެއް ނެތް ސިޔާސީ ތުހުމަތުތަކުގެ ސިލްސިލާ ކަމަށެވެ. އަދި އާރުޑީސީއިން ޚިޔާނާތެއް ވެއްޖެކަމަށްބުނެ ބަލާ މައްސަލައަކީ އެއްވެސް ހަގީގަތެއް އެކުލެވޭ މައްސަލައެއް ނޫންކަމުގައިވެސް ފައްޔާޒު ވިދާޅުވިއެވެ.
ފައްޔާޒު ވިދާޅުވީ، އޭނާއަށް ތުހުމަތެއް ކުރެވިދާނޭފަދަ އެއްވެސް ކަމެއް ކޮށްފައި ނޯންނާނެކަން ސާބިތުކަމާއެެކު ދަންނަވާކަމަށެވެ. އަަދި އެތަޙްޤީޤަކީ، ސިޔާސީ ސަބަބަކަށްޓަކައި ހިންގާ ތަޙްޤީޤަކަށް ވިޔަސް އެ ތަހުގީގަށް ފުރިހަމަ އެއްބާރުލުން ދެއްވާނެ ކަމަށްވެސް ފައްޔާޒު ވިދާޅުވިއެވެ. ފައްޔާޒު ވަނީ، ސިޔާސީ ކެމްޕޭނުތައް ހިންގުމުގައި ގައުމީ މުއައްސަސާތައް ބޭނުންކުރުން ހުއްޓާލުމަށް ސަރުކާރަށް ގޮވާލައްވާފައެވެ.
