މަޝްރޫޢުތައް ކުރިޔަށް ނުގޮސް ހުއްޓިފައި އޮތުމާ ގުޅުވައި، މިސަރުކާރަށް ކުރީސަރުކާރޭ ކިއުމުގެ ހައްގެއްނެތް ނެތްކަމުގައި އެމްޑީޕީގެ ޗެއާޕަރސަން ފައްޔާޒް އިސްމާއީލް ވިދާޅުވެއްޖެއެވެ.

ފައްޔާޒް މިހެން ވިދާޅުވީ، ކުޑަ ރަށެއް ބޮޑު ރަށެއް ތަފާތުކުރުމެއް ނެތި މި ސަރުކާރުންވަނީރަށްރަށުގެ ތަރައްޤީގެ މަޝްރޫޢުތައް ހުއްޓާލާފައި ކަމުގައި، އެމްޑީޕީގެ ރައީސް ޢަބުދުﷲ ޝާހިދު ވިދާޅުމާއި ގުޅިގެން، މިސަރުކާރުގެ ވަޒީރުންނާއި އިސް މަޤާމުތަކުގައި ތިއްބެވި ބޭފުޅުން، ޝާހިދަށް އެކްސްގައި ރައްދުދޭން ފެށުމާއި ގުޅިގެން، ކުރެއްވި ޕޯސްޓެއްގައެވެ.

ފައްޔާޒު ވިދާޅުވީ، ކޮންމެ ރަށަކުންވެސް ފެންނަނީ ހުރިހާ ޕްރޮޖެކްޓެއް ހުއްޓިފައިވާ މަންޒަރުކަމަށާއި، ސަރުކާރާ ހަވާލުވީ ތިމަންނާއަށް ވާނެ އޭ ކުރާނަމޭ ކިޔާފައި ކަމަށެވެ. އެހެންކަމުން މިހާރު ދެން ކުރީސަރުކާރޭ ކިއުމުގެ ހައްގެއްނެތް މިސަރުކާރަށް ނެތް ކަމަށާއި، އަމިއްލައަށް ހަވާލުވީ ހުރިހާކަމެއް ކުރާނަމޭ ކިޔާފައި ކަމުގައިވެސް ފައްޔާޒު ވިދާޅުވިއެވެ.

ފައްޔާޒު ވިދާޅުވީ، ސަރުކާރުން ހެދިދޮގުތަކުން ސަލާމަތް ވާން ނިއުޒިލޭންޑް ބޭފުޅުންވެސް ނެރެގެން އަނެއްކާވެސް ހެދީ ދޮގު ކަމަށެވެ.

ޝާހިދު އެކްސްގައި ޕޯސްޓް ކުރެއްވި ވީޑިއޯއަށް، ރައީސުލްޖުމްހޫރިއްޔާ، ޑރ، މުޙައްމަދު މުޢިއްޒުގެ ކެބިނެޓުގައި ހިމެނިވަޑައިގަންނަވާ، ގިނަ މިނިިސްޓަރުންތަކެއްވެސް ވަނީ ރައްދުދީ ލިޔުއްވާފައެެވެ.