ދުނިޔޭގެ އެންމެ ހުދުމުޚުތާރުވެރިކަމެއް ހިންގަމުން އަންނަ ޤައުމަކީ އުތުރުކޮރެއާއެވެ. 21 ވަނަ ޤަރުނުގެ މިޒަމާނުގައިވެސް އުތުރުކޮރެއާއަކީ، މުޅިން އެހެން ދުނިޔެއެއްގައި އޮތް ޤައުމެކެވެ. ހަރުކަށި، ބޯދާ އަދި ތާކުންތާކު ނުޖެހޭ އުސޫލުތަކާއި ޚުރާފީ ޤަބޫލުކުރުންތަކާއި ވިސްނުންތައް އޮތް އުތުރު ކޮރެއާގެ ރައްޔިތުންނަށް، ވަރަށް އަސާސީކަންކަންވެސް ސަރުކާރުން އޮންނަނީ މަނާކޮށްފައެވެ. އޭގެ ތެރޭގައި އުތުރު ކޮރެއާގެ ރައްޔިތުން ޤައުމުން ބޭރަށް ދަތުރުކުރުންވެސް ހިމެނެއެވެ.

އުތުރު ކޮރެއާގައި، ބޭރުގެ ޓީވީޗެނަލްތައް ބެލުމާއި، ބޭރުގެ ރޭޑިއޯ އަޑުއެހުންވެސް މަނަލެވެ. އަދި އިންޓަނެޓާއިއެކު ދުނިޔެ ގުޅިލާމެހިފައިވާ މިޒަމާނުގައި ކޮރެއާގެ ރައްޔިތުންނަށް އެޚިދުމަތް ލިބެނީވެސް ހަރުކަށި ކޮންޓްރޯލެއްގެ ތެރެއިން ސަރކާރުގެ މަތީފަންތީގެ ވެރިންނަށް އެކަންޏެވެ. އެހެންވެ ބޭރުދުނިޔޭގައި ހިނގާ ކަންކަމަކީ، އުތުރުކޮރެއާގެ އާއްމު ރައްޔިތުންނަށް މާ ބޮޑަކަށް އެނގޭ ކަންކަމެއް ނޫނެވެ.

ދުނިޔެއާ ގުޅުން ކެނޑިފައި ވަނީ އުތުރު ކޮރެއާގެ އާމުރައްޔިތުންނަށެވެ. އުތުރުކޮރެއާގެ ބޯޑަރުގެ އުސްފާރުން ބޭރުގައިވާ ދުނިޔޭގެ ރީތި ތަންތަނާއި މަންޒަރުތަކާއި ހިތްގައިމު ވެށި އުތުރު ކޮރެއާގެ މީހުންނަކަށް ނޭނގެއެވެ. އެކަމަކު އެކަން އުތުރުކޮރެއާގެ ވެރިންނާއި، އެމީހުންގެ އާއިލާތަކަށް އެނގެއެވެ. ސިއްރު ސިއްރުން އެމީހުން ގައުމުން ބޭރަށް ގޮސްއުޅޭކަަމަށް ކިޔައެވެ.

Advertisement

ދުނިޔޭގައި އެންމެ ގިނަ މީހުން ދަތުރުކުރާ އަދި އެންމެ ޝަވްޤުވެރި އެއްތަނަކީ، ޖަޕާނުގެ ޑިޒްނީ ލޭންޑެވެ. 40 އަހަރަށް ވުރެ ގިނަ ދުވަސްވީ ޑިޒްނީ ލޭންޑަކީ، ކުޑަކުދިންނާއި ބޮޑެތި މީހުންގެ މެދުގައިވެސް މަޤުބޫލުތަނެކެވެ.

ޓޯކިޔޯ، ޑިޒްނީ ލޭންޑް --

އުތުރު ކޮރެއާ އާއި ބެހޭ ސިއްރު މައުލޫމާތުކަމަށް ބުނެ ސޯޝަލްމީޑިއާގެ އެކި މަންސަ ތަކުގައި ފަތުރާ އެއްވާހަކައަކީ، ޑިޒްނީ ލޭންޑަށް ވަޑައިގެންނެވުމަށްޓަކައި އުތުރު ކޮރެއާގެ ލީޑަރާއި އޭނާގެ ދަރިކަލުން ފޭކް ޕާސްޕޯޓެއް ގެންގުޅުއްވި ވާހަކައެވެ.

އުތުރުކޮރެއާގެ ކުރީގެ ރައީސް، ކިމް ޖޮން އިލް އާއި ދަރިކަލުން، މިހާރުގެ ރައީސް ކިން ޖޮން އުން، 1990ގެ އަހަރުތަކުގެ ތެރޭގައި، ޖަޕާނުގެ ޑިޒްނީ ލޭންޑަށް ވަޑައިގެންނެވި ކަމަށް ބުނެފައި ވަނީ، ބްރެޒިލްގެ ފޭކް ޕާސްޕޯޓެއްގައެވެ. 

އުތުރުކޮރެއާގެ ކުރީގެ ރައީސް، ކިމް ޖޮން އިލް އާއި ދަރިކަލުން، މިހާރުގެ ރައީސް ކިން ޖޮން އުން ފޭކު ޕާސްޕޯޓް ގެންގުޅުއްވި ކަމަށް ދައްކާ ވާހަކައަކީވެސް ފޭކު ވާހަކައެކެވެ. އުތުރުކޮރެއާގެ މިހާރުގެ ރައީސް ކިމްޖޮންއުން ވެސް އަދި އޭނާގެ ބައްޕާފުޅު ކިމްޖޮންއިލްވެސް ޑިޒްނީ ލޭންޑަކަށް ވަޑައެއްއެއް ނުގަންނަވައެވެ. އުތުރު ކޮރެއާގެ ލީޑަރުންނަކީ ވަރަށް ނާދިރު ޙާލަތެއްގައި މެނުވީ ޤައުމުން ބޭރަށް ވަޑައިގަންނަވާ ބޭފުޅުންނެއް ނޫނެވެ.