ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު ބުރާސްފަތި ދުވަހުގެ ރޭ ސިންގަޕޫރަށް ފުރާވަޑައިގެންފިއެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި ރައީސުލްޖުމްހޫރިއްޔާގެ ދެކަނބަލުންގެ މިދަތުރުފުޅަކީ ނުރަސްމީ ދަތުރުފުޅެކެވެ. އެހެންވެ މިދަތުރުފުޅާ ގުޅޭ ގޮތުން ރައީސުލްޖުމްހޫރިއްޔާގެ އޮފީހުން އިތުރު މަޢުލޫމާތެއް ހާމައެއް ނުކުރައްވައެވެ.

ރައީސުލްޖުމްހޫރިއްޔާ އެންމެ ފަހުން ރާއްޖެއިން ބޭރަށް ކުރެއްވި ދަތުރުފުޅަކީ، ޗައިނާއަށް ކުރެއްވި ދަތުރުފުޅެވެ. ވެރިކަމަށް ވަޑައިގެންނެވުމަށްފަހު ރައީސުލްޖުމްހޫރިއްޔާ އެންމެ ފުރަތަމަ ރަސްމީި ދަތުރުފުޅެއް ކުރެއްވީ ތުރުކިޔޭއަށެވެ. އޭގެ ފަހުން ޔޫއޭއީއަށް ވަޑައިގެންނެވިއެވެ.