ސަޢޫދީއަރަބިއްޔާއިން ދިވެހިރާއްޖެއަށް 50 ޓަނުގެ ކަދުރު ހަދިޔާކޮށްފިއެވެ.

ރަސްމީ ގޮތުން ރާއްޖެއަށް ކަދުރު ހަދިޔާކުރުމުގެ ރަސްމިއްޔާތު ބާއްވާފައި ވަނީ ބުރާސްފަތި ދުވަހުގެ ރޭ، ދިވެހިރާއްޖޭގައި ހުންނަ ސަޢޫދީއަރަބިއްޔާގެ އެމްބަސީގައެވެ.

ދިވެހި ސަރުކާރުގެ ފަރާތުން ކަދުރާއި ހަވާލުވެވަޑައިގެންނެވީ މިނިސްޓަރ އޮފް އިސްލާމިކް އެފެއާޒް ޑރ. މުޙައްމަދު ޝަހީމް ޢަލީ ސައީދެވެ.

ސަޢޫދީއަރަބިއްޔާއިން ހަދިޔާކުރި މިކަދުރަކީ، ކޮންމެ އަހަރެއްގެވެސް ރޯދަމަހު އިސްލާމީ ޤައުމުތަަކަށް ކަދުރުން ކުރާ ހަދިޔާގެ ތެރޭގައި ހިމެނޭ ކަދުރެވެ. މިގޮތުން ރާއްޖެއަށްވެސް ސަޢޫދީސަރުކާރުން ކަދުރު ހަދިޔާކުރާތާ ވަރަށް ގިނަ އަހަރުތައް ވަނީ ވެފައެވެ.

މިނިސްޓްރީ އޮފް އިސްލާމިކް އެފެއާޒުން ހާމަކުރައްވާފައިވާ ގޮތުގައި ސަޢޫދީ ސަރުކާރުން ހަދިޔާ ކުރި ކަދުރު ގޭބިސީތަކަށް ބެހުމުގެ މަސައްކަތް މިއަހަރުވެސް ކުރިޔަށް ގެންދާނީ މިނިސްޓްރީ އޮފް އިސްލާމިކް އެފެއާޒުންނެވެެ.