ތިން މިސްކިތެއް އެޅުމަށް ސަރުކާރުން އަމިއްލަ ތިން ފަރާތަކާއި މިއަދު ހަވާލުކޮށް އެކަމާއި ގުޅޭ އެއްބަސްވުންތަކުގައި ސޮއިކޮށްފިއެވެ.

އިސްލާމިކް މިނިސްޓްރީން ހާމަކޮށްފައިވާ ގޮތުގައި މިސްކިތްތައް އެޅުމަށް އަމިއްލަ ފަރާތްތަކާއި ހަވާލުކޮށްފައި ވަނީ، ރ. އަލިފުއްޓާއި، އައްޑޫ ސިޓީ ހުޅުދޫގެ އިތުރުން ހުޅުމާލެ ފޭސް 2 ގައި މިސްކިތް އެޅުމަށެވެ.

މިގޮތުން ރ. އަލިފުށީގައި 570 މީހުންގެ ޖާގައިގެ މިސްކިތެއް ބިނާ ކުރުމަށް ހަވާލު ކޮށްފައި ވަނީ، ޢަބްދުއްރަޙްމާން މޫސާ އަށެވެ. އައްޑޫ ސިޓީ ހުޅުދޫގައި 200 މީހުންގެ ޖާގައިގެ މިސްކިތެއް އިމާރާތް ކުރުމަށް ހަވާލު ކޮށްފައި ވަނީ، މ. ޝުއާޒް މުހައްމަދު ޞާލިޙް އާއެވެެ. އަދި ހުޅުމާލެ ފޭސް 2 ގައި، މިސްކިތެއް އެޅުމަށް ހަވާލުކޮށްފައި ވަނީ، މ.މާޔާ މުޙައްމަދު ޔޫސުފަށެވެ.

މިތިން ބޭފުޅުންނާއިއެކު މިސްކިތްތައް ބިނާކުރުމާއި ގުޅޭ އެއްބަސްވުންތަކުގައި ސޮއެކުރެއްވީ، މިނިސްޓަރ އޮފް އިސްލާމިކް އެފެއަރޒް ޑރ. މުޙައްމަދު ޝަހީމް ޢަލީ ސަޢީދެވެ.