Advertisement

18 Mar 2024
ކުޅިވަރު
މިފްތާޙް މުޙައްމަދު

ލިވަޕޫލުން ހަތަރު ތަށި ކާމިޔާބު ކުރުމަށް ދެކުނު ހުވަފެން ފުނޑުފުނޑުވެއްޖެ

މުހިންމު ވަގުތެއްގައި ލިވަޕޫލްގެ ފޯވާޑް ޑާވިން ނުނިއޭޒަށް ފަރުވާކުޑަކޮށްލެވުމުން ގެއްލުނު ބޯޅަ ހިފައިގެން ގޮސް ރަޝްފޯޑު ކާމިޔާބުކުރި ގޯލުން، އެފްއޭ ކަޕު ކުއާޓާ ފައިނަލު މެޗުގެ އޮއިވަރު ބަދަލުވެ، އެ މުބާރާތުން ލިވަޕޫލް އަލްވަދާއު ކިޔަން ޖެހިއްޖެއެވެ. އެއާއެކު ކްލޮޕްގެ ފަހު ސީޒަނުގައި ލިވަޕޫލުން ހަތަރު ތަށި ކާމިޔާބުކުރުމަށް ދެކުނު ހުވަފެން ވެސް ފުނޑުފުނޑުވެއްޖެއެވެ.

އެފްއޭ ކަޕް ކުއާޓާ ފައިނަލުގައި މިރޭ (އާދިއްތަ ދުވަހުގެރޭ) ލިވަޕޫލާއި މެންޗެސްޓަރ ޔުނައިޓެޑު ބައްދަލުކުރި މެޗުގައި ފުރަތަމަ ލީޑު ނެގީ މެންޗެސްޓަރ ޔުނައިޓެޑެވެ. މެޗުގެ 10 ވަނަ މިނެޓުގައި މެންޗެއްޓަރއަށް ލީޑު ނަގައިދިނީ މެކްޓޮމިނޭއެވެ

ނަމަވެސް ފުރަތަމަ ހާފު ނިމުމުގެ ކުރިން ލިވަޕޫލުން ވަނީ އެ ލީޑު އެ ޓީމުގެ ކޮޅަށް އަނބުރާލާފައެވެ. ފުރަތަމަ ގޯލުގައި އެންމެ އިސްދައުރެއް އަދާކުރީ އެ ޓީމުގެ ޒުވާން ޑިފެންޑަރު ކުއަންސާހްއެވެ. މި ގޯލު ކާމިޔާބު ކުރީ، ލިވަޕޫލްގެ ވޯލްޑް ކަޕް ތަރި، މެކަލިސްޓާއެވެ. އޭގެ ކުޑަ އިރުކޮޅެއް ފަހުން ނުނިއޭޒްގެ ޝޮޓެއް މެންޗެސްޓަރގެ ކީޕަރު އޮނާނާ މަތަކުރަން އުޅުމުގެ ތެރޭގައި ގޯލުގެ ކުރިމައްޗަށް ވެއްޓުމުން، އެ ބޯޅައަށް ބަލަބަލާ ހުރި ލިވަޕޫލްގެ ފޯވާޑް، މުޙައްމަދު ސަލާހްވަނީ ގޯލު ތެރެއަށް ފޮނުވާލާ، ލިވަޕޫލަށް ލީޑު ނަގައިދީފައެވެ.

މި ލީޑާއެކު ލިވަޕޫލުން ދެވަނަ ހާފު ފަށައިގެން ވަރަށް ހަމަޖެހިގެން ކުޅުންތަން ފެނުނެވެ. އެ ޓީމަށް ގޯލު ޖަހާނެ ރަގަޅު ފުރުސަތުތައް ވެސް ފަހިވެގެން ދިޔައެވެ. މީގެ ތެރެއިން ވެސް، މެންޗެސްޓަރގެ ދެ ޑިފެންޑަރުންނާ ދެކޮޅަށް ލިވަޕޫލްގެ ފަސް ކުޅުންތެރިންނަށް ލިބުނު ފުރުސަތު ފާހަގަ ކޮށްލެވުނެވެ. ނަމަވެސް މި ފުރުސަތުވެސް ބޭކާރުވީއެވެ. ނަތީޖާއަކަށްވީ މެޗު ނިމެން ތިން މިނެޓަށްވެފައި ވަނިކޮށް، ބަދަލު ކުޅުންތެރިއެއްގެ ގޮތުގައި ކުޅެން ނިކުތް އެންޓޮނީ، މެންޗެސްޓަރއަށް ނަތީޖާ ހަމަހަމަކޮށްދިނުމެވެ

އެހެންކަމުން މެޗުގެ ނަތީޖާ ކަނޑައެޅުމަށް އިތުރު ވަގުތުގެ ދެ ހާފު ކުޅެން ޖެހުނެވެ. އެކްސްޓްރާ ޓައިމްގެ ފުރަތަމަ ހާފުގައި ހާވީ އެލިއެޓްގެ ގޯލަކުން ލިވަޕޫލް އަނެއްކާ ވެސް ލީޑު ނެގިއެވެ. އެއަށްފަހު އެކްސްޓްރާ ޓައިމްގެ ދެވަނަ ހާފު ފަށައިގެން ވެސް މެޗު ޑޮމިނޭޓުކުރީ ލިވަޕޫލެވެ. ނަމަވެސް ނުނިއޭޒް އަތުން މެޗުގެ 112 ވަނަ މިނެޓުގައި އެ ޓީމުގެ ހާފު ތެރެއިން ގެއްލުނު ބޯޅަ ރަޝްފޯޑު ވަނީ ގޯލަކަށް ބަދަލުކޮށްފައެވެ. މި ގޯލާއެކު މެޗު އެއްވަރު ވެގެން ޕެނަލްޓީ ޝޫޓް އައުޓަކަށް ދާނެ ކަމުގައި ނިންމައިގެން ތިއްބައި، މެންޗެސްޓަރއަށް ލީޑު ނަގައިދިނީ އިތުރު ވަގުތުގައި ކުޅެން ނިކުތް އައިވޮރީ ކޯސްޓުގެ އަމަޑް ޑިއާލޯއެވެ

މިއީ މެންޗެސްޓަރގެ ކޯޗު އެރިކް ޓެން ހެގްއަށް ލިބުނު ވަރަށް ބޮޑު ކާމިޔާބިއެކެވެ. މީގެ އިތުރުން، މިއީ އޭނާގެ ވަޒީފާ ދިފާއު ކުރަން ހޯދުނު މުހިންމު ކާމިޔާބީއެއް ކަމުގައި ގަބޫލުކުރެވެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.