ސާނަވީ ގްރޭޑްތަކުގެ ދެވަނަ ޓާމްގެ ޓެސްޓް ނެގުން ލަސްކުރުމަށް، މިނިސްޓްރީ އޮފް އެޑިޔުކޭޝަނުން ސްކޫލްތަކަށް އަންގައިފިއެވެ.

އެޑިޔުކޭޝަން މިނިސްޓްރީން ސްކޫލުތަކަށް ފޮނުވާފައިވާ ސަރކިއުލާގައި، ބުނެފައި ވަނީ މިއަހަރުގެ ދިރާސީ ކަލަންޑަރުގައި ދަށު ސާނަވީ ގުރޭޑްތަކުގެ ދެވަނަ ޓަރމުގެ ޓެސްޓް ނެގުން މާރިޗު 16 އިން އޭޕްރީލް 27 އާއި ދެމެދު ކުރިޔަށް ގެންދިޔުމަށް, ދިރާސީ ކަލަންޑަރުގައި ފާހަގަކޮށްފައި ވީނަމަވެސް، އެމުއްދަތު މާރިޗު 27 އިން އޭޕްރީލް 25އަށް އެޑިޔުކޭޝަނުން ވަނީ ކުރުކޮށްފައެވެ. މިގޮތުން ދެވަނަ ޓަރމުގެ ޓެސްޓްުނެގުމަށް ކުރިން 6 ހަފްތާގެ މުއްދަތެއް ދިރާސީ ކަލަންޑަރުގައި ހިމަނާފައި ވާއިރު، އެއްމުއްދަތުން މިހާރު ވަނީ އެއް ހަފްތާ އުނިކޮށްފައެވެ.

އެޑިޔުކޭޝަން މިނިސްޓްރީގެ ސަރކިއުލާގައި ބުނެފައި ވަނީ އެބަދަލު ގެނެސްފައި ވަނީ، އިލެކްޝަންސް ކޮމިޝަނުން ރައްޔިތުންގެ މަޖިީހުގެ އިންތިޚާބު ބާއްވާ ދުވަހަށް ގެނައި ބަދަލާއި ގުޅިގެން ކަމަށެވެ. އަދި އޭޕްރީލް 20ވާ ހޮނިހިރު ދުވަހު ސްކޫލުތަކުގައި ޓެސްޓް ބާއްވާނަމަ އެކަމާއި ގުޅޭ ގޮތުން އެ ސްކޫލަކަށް އިލެކްޝަންސް ކޮމިޝަނުން ކަނޑައަޅާފައިވާ ފޯކަލް ޕޮއިންޓާއި މަޝްވަރާކޮށްގެން ކުރިޔަށް  ގެންދިޔުމަށް އެދޭ ކަމުގައިވެސް އިލެކްޝަންސް ކޮމިޝަނުން ނެރުނު ސަރކިއުލާގައި ބުނެފައި ވެއެވެ.

Advertisement