Advertisement
އެއާ އެމްބިއުލާންސްގެ ގޮތުގައި ބޭނުން ކުރުމަށް ތައްޔާރުކުރި ސީޕްލޭން --
އެއާ އެމްބިއުލާންސްގެ ގޮތުގައި ބޭނުންކުރާނެ ސީޕްލޭން ދައްކާލައިފި
ރާއްޖޭގައި އެއާ އެމްބިއލާންސްގެ ޚިދުމަތް ދިނުމަށް ބޭނުންކުރާ ސީޕްލޭން ދައްކާލައިފިއެވެ.
ރައިސުލްޖުމްހޫރިއްޔާ ޑރ. މުޙައްމަދު މުއިއްޒު ވަނީ، މިއަދު އެއާ އެމްބިއުލާންސްގެ ގޮތުގައި ބޭނުންކުރާ ސީޕްލޭންގެ ފޮޓޯއެއް އެކްސްގައި ޕޯސްޓް ކުރައްވާފައެވެ.
އެއާ އެމްބިއުލޭންސްއެއްކަން އެނގޭ ގޮތަށް ކުލަ ބަދަލުކޮށް، އެތެރޭގެ ޑިޒައިންވެސް ބަދަލުކޮށްފައިވާ އެބޯޓުގެ ފޮޓޯއެއް ރައީސް ޑރ. މުއިއްޒު އެކްސްގައި ޕޯސްޓް ކުރެއްވި އިރު، އެ ބޯޓާއި ގުޅުވައިގެން އެއްވެސް ތަފްސީލެއް ނުލިޔުއްވައެވެ.
ރާއްޖޭގެ އަމިއްލަ އުޅަނދު ފަހަރުގައި އެއާ އެމްބިއުލާންސްގެ ޚިދުމަތް ފެށުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވަޢުދުފުޅެކެވެ. މިގޮތުން އެ ވަޢުދާއި އެއްގޮތަށް މި މާރިޗު މަހުގެ 1 ވަނަ ދުވަހުންފެށިގެން ވަނީ، މޯލްޑިވިއަންގެ ޑޭޝް-8 މަތިންދާ ބޯޓެއް އެއާ އެމްބިއުލާންސަކަށް ބަދަލުކޮށް ޚިދުމަތަށް ނެރެފައެވެ.
ރާއްޖޭގައި މީގެ ކުރިން ބަލި މީހުން އެއްތަނުން އަނެއްތަނަށް އުފުލުމުގައި ބޭނުންކޮށްފައި ވަނީ، މޯލްޑިވިއަންގެ ކޮމާޝަލް ފްލައިޓްތަކާއި، އިންޑިއާއި ދިވެހިރާއްޖެއަށް ހަދިޔާކޮށްފައިވާ ޑޯނިއަރ މަތިންދާ ބޯޓާއި، ހެލިކޮޕްޓަރެވެ.
