Advertisement

ފުލުހުންގެ އިދާރާ --

13 Mar 2024
ޚަބަރު
ޢަލީ ސުލައިމާން

އެކި ބާވަތުގެ ކުށްތަކަށް އަރައިގަތުމަށް ބޭނުން ކުރަމުން ދިޔަ ޓެލެގްރާމް ގުރޫޕްތަކެއް ފުލުހުންގެ ބެލުމުގެ ދަށަށް ގެންގޮސް ދެމީހަކު ހައްޔަރުކޮށްފި

މަސްތުވާތަކެތީގެ ވިޔަފާރި ކުރުމާއި އެނޫންވެސް ޤާނޫނާއި ޚިލާފް ކުށްތައް ކުރުމަށް ބޭނުން ކުރަމުން ޓެލެގްރާމް ޗެނަލްތަކެއް ފުލުހުންގެ ބެލުމުގެ ދަށަށް ގެންގޮސް ދެމީހަކު ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، ހައްޔަރުކޮށްފައި ވަނީ އުމުރުން 28 އަހަރުގެ ދިވެހި ފިރިހެނަކާއި އުމުރުން 39 އަހަރުގެ ދިވެހި ފިރިހެނެއް ކަމަށެވެ. އެދެމީހުންނާއި އެޗެނަލްތައް ފުލުހުންގެ ބެލުމުގެ ދަށަށް ގެންގޮސްފައި ވަނީ، ފުލުހުންގެ ސައިބަރ ޕޮލިސިންގ ސެންޓަރުން ހިންގި އޮޕަރޭޝަނެއްގައި މިމަހުގެ 6 ވަނަ ދުވަހުގައި ކަމަށްވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ ބެލުމުގެ ދަށަށް ގެންދިޔަ ޓެލެގްރާމް ޗެނަލްތައް:

- ޖަޒީރާ އެޑްމިން

- ޖަޒީރާ ގާލްސް

- ޖަޒީރާ އެސްކޯޓް ގެލަރީ

- ޖަޒީރާ ސްކޭމް އެލާރޓް

- ޖަޒީރާ ލިންކް ޚަބަރު؛ ހިމެނެއެވެ.

ފުލުހުންގެ އިދާރާއިން ވިދާޅުވީ، އެ ޓެލެގްރާމް ޗެނަލް ތަކަކީ 2023 ވަނަ އަހަރުގެ އޭޕްރީލް މަހުންފެށިގެން ހިންގަމުން އަންނަ ޗެނަލްތަކެއް ކަމަށެވެ.

ފުލުހުންގެ ޚިދުމަތުން ވިދާޅުވީ ހައްޔަރު ކުރި ދެމީހުންގެ މައްޗަށް ކުރެވިފައިވާ ތުހުމަތު ތަކުގެ ތެރޭގައި؛

- މަނީ ލޯންޑަރިންގެ ކުށް

-ޑްރަގް ޓްރެފިކިންގެ ކުށް

- ހަށި ވިއްކުމުގެ ކުށް

- ހަށި ވިއްކުމަށް ހިއްވަރު ދިނުމުގެ ކުށް

- އޮރިޔާން ކާޑު އުފެއްދުމުގެ ކުށް

- އޮރިޔާން ކާޑު ބެހުމުގެ ކުށް؛ ހިމެނޭ ކަމަށެވެ.

ފުލުހުންގެ އިދާރާއިން ވިދާޅުވީ އެމީހުންގެ މާލީ މުއާމަލާތްތަކަށް ބަލާއިރު، އެމީހުން ކުރާ މަސައްކަތްތަކާއި ނުބައްދަލު ގިނަ އަދަދެއްގެ މާލީ މުއާމަލާތްތައް ކޮށްފައިވާ ކަމަށް ފާހަގަކުރެވިފައިވާ ކަމަށެވެ.

މިމައްސަލައިގައި ހައްޔަރުކުރި މީހުންގެ ބަންދާއި މެދު ގޮތެއް ނިންމުމަށް ކޯޓަށް ހާޟިރު ކުރުމުން، ފުރަތަމަ ފަހަރު 5 ދުވަހަށް، ބަންދުކުރުމަށް ހުޅުމާލެ މެޖިސްޓްރޭޓް ކޯޓުން އަމުރު ދީފައިވާ ކަމަށާއި އަދި އެމީހުންގެ ބަންދުގެ މުއްދަތު އިތުރު ކުރުމަށް ކްރިމިނަލް ކޯޓަށް ހާޟިރު ކުރުމުން އިތުރު 30 ދުވަހަށް ބަންދުކުރުމުގެ އަމުރު ދީފައިވާ ކަމަށްވެސް ފުލުހުންގެ ޚިދުމަތުން ވިދާޅުވިއެވެ.

އަތުލައިގަތް ޓެލެގްރާމް ޗެނަލްތަކުގައި އެތައް ހާސްބަޔަކު ތިބިކަމަށް މައުލޫމާތު ފެތުރިފައި ވާއިރު، ފުލުހުންގެ އިދާރާއިން ވަނީ މިފަދަ ޤާނޫނާއި ޚިލާފު ކަންކަމާއި ދުރުވުމަށާއި، މިފަދަ ކަންކަމުގައި ބައިވެރި ނުވުމަށް އިލްތިމާސްކޮށްފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.