Advertisement

11 Mar 2024
ކުޅިވަރު
މިފްތާޙް މުޙައްމަދު

ފްލޭމްސް ބަލިކޮށް ފައިނަލުގެ ފުރަތަމަ ޖާގަ ވިކްޓޯރިއަސްއިން ހޯދައިފި

ވެލިދޫ ރަމަޟާން ވޮލީބޯޅަ ލީގުގައި ވިކްޓޯރިއަސްއިން ފްލޭމްސްގެ މައްޗަށް ކުރިހޯދައި، މުބާރާތުގެ ފައިނަލުގެ ފުރަތަމަ ޖާގަ ކަށަވަރުކޮށްފިއެވެ. ވެލިދޫ ވޮލީކޯޓުގައި ކުޅުނު މި މެޗު ވިކްޓޯރިއަސްއިން ކާމިޔާބުކުރީ 3-2 ސެޓުންނެވެ.

މެޗުގެ ފުރަތަމަ ސެޓު 25-19 ޕޮއިންޓުން ގެންދިޔައީ ފްލޭމްސްއެވެ. ނަމަވެސް ދެވަނަ ސެޓުގައި ވިކްޓޯރިއަސް އިން ކުޅުން ރަގަޅުކުރިތަން ފެނުނެވެ. ނަތީޖާއަކަށްވީ ދެވަނަ ސެޓު 25-18 ޕޮއިންޓުން ވިކްޓޯރިއަސް ގެންދިއުމެވެ.

ތިން ވަނަ ސެޓު ދޫވެގެން ދިޔަ ނުދިނުމަށް، ފްލޭމްސް އިން ހިތްވަރުކޮށް ރަގަޅު ކުޅުމެއް ކުޅެފައިވެއެވެ. ނަމަވެސް ވިކްޓޯރިއަސް މި ސެޓު 26-24 ޕޮއިންޓުން ގެންގޮސް، ފަހަތުން އަރާ ލީޑުނެގިއެވެ. ނަމަވެސް ފްލޭމްސް ބަލި ކުރުން ވިކްޓޯރިއަސްއަށް ފަސޭހަ ކަމަކަށް ނުވިއެވެ. ފްލޭމްސް އިން ހަތަރުވަނަ ސެޓި 25-22 ޕޮއިންޓުން ގެންދިޔައެވެ.

މެޗުގެ ނަތީޖާ ކަނޑައެޅީ ފަސް ސެޓުންނެވެ. ފަހު ސެޓު ވިކްޓޯރިއަސް އިން ގެންދިޔައީ 15-09 ޕޮއިންޓުންނެވެ

މިއީ މި މުބާރާތުގައި މި އަހަރު ފަސް ސެޓު ކުޅެގެން ނަތީޖާ ކަނޑައަޅަން ޖެހުނު ފުރަތަމަ މެޗެވެ. މި މެޗުގެ ކުއީން އޮފް ދަ މެޗަކީ ވިކްޓޯރިއަސްގެ ޖާޒީ ނަންބަރު 17، އައިޝަތު މުހައްމަދެވެ.

މުބާރާތުގައި ދެން އޮންނާނީ ސެމީފައިނަލް މެޗެވެ. އެއް ސެމީ ފައިނަލް ކުޅެން ހަމަޖެހިފައިވާ މި މުބާރާތުގެ ސެމީ ގައި ބައްދަލު ކުރާނީ ފްލޭމްސް އާއި ސެފަޔާއެވެ. ގްރޫޕް ސްޓޭޖުގައި މި ދެ ޓީމު ކުޅުނު މެޗު ކާމިޔާބުކޮށްފައިވަނީ ސެފަޔާއެވެ.

އަންގާރަ ދުވަހުގެރޭ ކުޅުމަށް ހަމަޖެހިފައިވާ ސެމީ ފައިނަލު މެޗުން މޮޅުވާ ޓީމަކަށް ފައިނަލުގެ ފަހު ޖާގަ ލިބޭނެއެވެ. ފައިނަލް މެޗު އޮންނާނީ މި މަހުގެ 13 ވަނަ ދުވަހުއެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.