Advertisement

ލުނބޯގަހެއް: ބާޒާރުގައި ލުނބޯގެ އަގު ވަނީ މަތިވެފައި --

10 Mar 2024
ޚަބަރު
ޢަލީ ސުލައިމާން

އަސާސީ ކާބޯތަކެތީގެ އަގު ހެޔޮކުރެއްވުމަށް މަސައްކަތް ކުރައްވަމުންދާ ކަމުގައި ރައީސް ވިދާޅުވެއްޖެ

ބަރަކާތްތެރި ރަމަޟާން މަސް މާދަމާ ފެށޭއިރު، އެސްޓީއޯ މެދުވެރިކޮށް އަސާސީ ކާބޯތަކެތ އަގުތައް ހެޔޮކުރެއްވުމަށް މަސައްކަތް ކުރައްވަމުންދާ ކަމުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ރައީސުލްޖުމްހޫރިއްޔާގެ އޮފީހުން ސިލްސިލާ ގޮތެއްގައި ސޯޝަލްމީޑިއާގައި ގެނެސްދެމުން އަންނަ "ރައީސްގެ ޖަވާބު"ގައި އާއްމު މީހަކު ހުށައެޅި ސުވާލަށް ދެއްވި ޖަވާބުގައެވެ.

ރައީސް ޑރ. މުޙައްމަދު މުޢިއްޒު ވިދާޅުވީ، ކާބޯތަކެތީގެ އަގުތައް ހެޔޮ ކުރެއްވުމަށް ސަރުކާރުން ޚާއްޞަ ގޮތެއްގައި އިސްކަން ދެއްވާކަމަށެވެ. މިގޮތުން، ބަރަކާތްތެރި ރަމަޟާން މަސް ފެށިގެންދާއިރުގައި އެންމެ އަސާސީ ހުރިހާ ބާވަތެއް އެސްޓީއޯ މެދުވެރިކޮށް ގެނެވި އަގުހެޔޮ ކުރުމުގެ މަސައްކަތް މިހާރު ކުރިއަށް އެބަދާކަމުގައިވެސް އެމަނިކުފާނު ވިދާޅުވިއެވެ.

މީގެ އިތުރުން ސަރުކާރުގެ ސިޔާސަތަކީ ރާއްޖޭގައި އުފެއްދޭނެ ކާބޯތަކެތި ރާއްޖޭގައި އުފައްދައި މާކެޓަށް ނެރުންކަމާއި، އެކަމުގެ ސަބަބުން ކާބޯތަކެތީގެ އަގުތައް ހެޔޮވެގެންދާނެކަންވެސް އެމަނިކުފާނު ފާހަގަކުރެއްވިއެވެ.

ހުރިހާ ސަރުކާރެއްގައިވެސް ޚާއްޞަކޮށް ރަމަޟާން މަހު ކާބޯތަކެތީގެ އަގުތައް މައްޗަށް ދިޔަ ނުދިނުމަށްޓަކައި ސަރުކާރުގެ ކުންފުނި އެސްޓީއޯ މެދުވެރިކޮށް މުދާ އެތެރެކޮށް ފިޔަވަޅުތައް އަޅައެވެ. މިގޮތުން ޚާއްޞަ ގޮތެއްގައި ފިޔާ އަލުވި އަދި ބިހުގެ އަގުތައް މަތިވެގެން ދިޔަ ނުދިނުމަށްޓަކައި އެބާވަތްތައް އެސްޓީއޯއިން އެތެރެކޮށް ހެޔޮއަގުގައި މާކެޓަށް ނެރެއެވެ.

މިއަހަރުގެ ރަމަޟާން މަސް މާދަމާފެށޭއިރު އާއްމު އަސާސި ކާބޯތަކެތީގެ ތެރޭގައި ހިމެނޭ ތެލާއި ކިރުގެ ބާވަތްތައް އަދި ލުނބޯގެ އަގުތައް ވަނީ އުފުލިފައެވެ. އެހެން ނަމަވެސް ބާޒާރުގައި ކަރާ ތިޔާގިވެ ކަރާގެ އަގުވެއްޓިފައި ވީނަމަވެސް، ފަނިގިރުމަށް ބޭނުންކުރާ، ރޯ މޭވާގެ ބާވަތްތަކާއި ކުރުނބާގެ އަގުތައް ވަނީ މައްޗަށް އަރާފައެވެ. އިތުބާރު ހުރި ފަލަކީ ހިސާބުތަކުން ދައްކާ ގޮތުގައި މިއަހަރުގެ ރަމަޟާން މަހުގެ ފުރަތަމަ ދުވަސް ވާނީ، (މާދަމާ) 11 މާރިޗު 2024ވާ ހޯމަ ދުވަހަށެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.