Advertisement
ފުލުހުންގެ މައި މަރުކަޒު --
މާފުށީގައި ހިންގި މާރާމާރީތަކަކާއި ގުޅިގެން ދެމީހަކު ހައްޔަރުކޮށްފި
ކ. މާފުށީގައި ރޭ ފަތިހުގަޔާއި މިއަދު ހިނގި މާރާމާރީތަކާއި ގުޅިގެން ދެމީހަކު ހައްޔަރުކޮށްފިއެވެ.
ފުލުހުންގެ އިދާރާއިން ވިދާޅުވީ، މާފުށީގައި ރޭ ފަތިހު ހިނގި މާރާމާރީއެއްގެައި 34 އަހަރުގެ ދިވެހި ފިރިހެނަކު ޒަޚަމްކޮށްލާފައިވާ ކަމަށާއި އޭނާއަށް މާފުށީ ސިއްޙީމަރުކަޒުގައި ފަރުވާ ދިނުމަށްފަހު، މިހާރު ޓްރީޓޮޕް ހޮސްޕިޓަލަށް ގެނެސް ފަރުވާދެމުންދާކަމަށެވެ.
ފުލުހުންގެ އިދާރާއިން ވިދާޅުވީ، މާފުށީގައި މިއަދު އިތުރު މާރާމާރީއެއް ހިނގާފައި ވާއިރު، އެމާރާމާރީ އާއި ގުޅިގެން ދިވެހި ދެފިރިހެނަކު ހައްޔަރުކޮށްފައިވާ ކަމަށާއި އެދެމީހުންނަކީ ފަތިހުވެސް މާރާމާރީ ހިންގުމުގައި ބައިވެރިވި މީހުންކަމަށެވެ.
ފުލުހުންގެ އިދާރާއިން ވިދާޅުވީ އެ ދެމާރާމާރީގެ މައްސަލަވެސް ފުލުހުން މިހާރު ބަލަމުންދާ ކަމަށެވެ. އެހެން ނަމަވެސް މިމާރާމާރީތައް ހިނގީ ކޮންކަމަކާއި ގުޅިގެން ކަމެއް މިހާތަނަށް ފުލުހުން ހާމަކޮށްފައެއް ނުވެއެވެ.
