Advertisement

ނޭޝަނަލް ޑްރަގް އޭޖެންސީ - ފޮޓޯ: ސޯޝަލް މީޑިއާ

06 Mar 2024
ޚަބަރު
ޢަލީ ސުލައިމާން

އެންޑީއޭ ގެ މުވައްޒަފުންތަކެއް ފައިސާއަށް ޞައްޙަ ނޫން ލިޔުން ދޫކޮށް، މަނީ ލޯޑަރ ކުރި މައްސަލަތަކެއް ބަލަން ފަށައިފި

ނެޝަނަލް ޑްރަގް އެޖެންސީ (އެންޑީއޭ) ގެ މުވައްޒަފުންތަކެއް ފައިސާ ނަގައި ޞައްޙަ ނޫން ލިޔުން ދޫކޮށް، މަނީ ލޯޑަރ ކުރި މައްސަލަތަކެއް ބަލަން ފަށާފައިވާ ކަމުގައި ފުލުުހުންގެ އިދާރާއިން ވިދާޅުވެއްޖެއެވެ.

ހޯމް މިނިސްޓްރީގެ ދަށުން ހިންގާ މުއައްސަސާތަކުން ކުރަމުންދާ މަސައްކަތްތަކާއި ގުޅޭ ގޮތުން ނޫސްވެރިންނަށް މައުލޫމާތު ދިނުމަށް އިއްޔެ އިސްކަންދަރު ކޮށީގައި ބޭއްވި ނޫސްވެރިންގެ ބައްދަލުވުމުގައި، ޑެޕިއުޓީ ކޮމިޝަނަރ އޮފް ޕޮލިސް އިސްމާޢީލް ނަވީން ވިދާޅުވީ، މަސްތުވާތަކެތީގެ ފަރުވާ ދިނުމަށް އުފައްދާފައިވާ، ނެޝަނަލް ޑްރަގް އެޖެންސީ (އެންޑީއޭ) ގެ މުވައްޒަފުންތަކެއް މަސްތުވާތަކެތީގެ ފަރުވާ ހޯދުމަށް އެތަނަށް ދިޔަ މީހުންގެ އަތުން ފައިސާ ނަގައި، ފަރުވާ ފުރިހަމަ ނުކުރަނީސް ފަރުވާ ފުރިހަމަ ކުރިކަމުގެ ސައްޙަ ނޫން ލިޔުންތަކެއް ދޫކުރުމާއި، އަދި އެތަނުގެ ލެބޯޓްރީގައި ހަދާ ޓެސްޓް ތަކުގެ ނަތީޖާ އޮޅުވައި ލުމާއި، އެމީހުންގެ އަތުން ހޯދާފައިވާ ފައިސާ ލޯންޑަރ ކުރުމުގެ މައްސަލަތަކެއް މިހާރު ފުލުހުން ތަޙްޤީޤު ކުރަމުންދާ ކަމަށެވެ. އަދި އެމައްސަލައިގައި ތުހުމަތު ކުރެވޭ މީހުންގެ ތެރޭގައި އެތަނުގެ އިސް މުވައްޒަފުންތަކެއް ހިމެނޭ ކަމުގައިވެސް ނަވީން ވިދާޅުވިއެވެ.

އަދި އެ މައްސަލައަކީ ނެޝަނަލް ޑްރަގް އެޖެންސީން ދެމުންދާ ފަރުވާގެ އެސެސްމެންޓް ރިވިއުކުރުމުގައި އެޖެންސީގެ ބައެއް އިސް މުވައްޒަފުންނާއި އިތުރު ބަޔަކު ގުޅިގެން އެންޑީއޭ ލެބޯޓްރީން ހަދާ ޓެސްޓްތައް ނަތީޖާ އޮޅުވާލައި، ފަރުވާ ފުރިހަމަކުރަން ޖެހޭ މީހުން ފަރުވާ ފުރިހަމަކުރަން ނުޖެހޭ ގޮތަށް ބަދަލުކޮށް، އަދި ފަރުވާ އަދި ފަރުވާ ފުރިހަމަކުރަން ޖެހޭ މުއްދަތު ކުރުކޮށް މުޖުތަމައު ތެރެއަށް ދޫކޮށްލައި، ފަރުވާ ފުރިހަމަކުރަން ޖެހޭ މީހުން އަތުން، މަގާމުގެ ނުފޫޒު ބޭނުންކޮށްގެން ގިނަ އަދަދެއްގެ ފައިސާ ރިޝްވަތުގެ ގޮތުގައި ހޯދައި ގިނަ އަދަދެއްގެ ފައިސާ ލޯންޑާކުރިކަމަށް ތުހުމަތުކުރެވޭ މައްސަލައެއް ކަމުގައިވެސް ނަވީން ވިދާޅުވިއެވެ.

"މިމައްސަލައިގައި ތަޙްޤީީޤު ފުލުހުން ވަނީ ފަށާފައި. އަދި އަޅުގަނޑުމެންނަށް ލިބިފައިވާ މައުލޫމާތާއިއެކު، 6 ފެބުރުއަރީ ވަނަ ދުވަހުން ފެއްޓިގެން، މިދަނީ މިމައްސަލައިގައި މަސައްކަތްތައް ކުރަމުން. މިހާރު އަޅުގަނޑުމެން ވަނީ، މައްސަލައިގައި ތުހުމަތު ކުރެވޭ ދެމީހަކު ދިރިއުޅޭ 3 ތަނާއި، އެންޑީއޭގެ މާލޭގައި ހިންގަމުންދާ ތަންތަން ވަނީ ބަލައިފާސްކޮށްފައި. އެގޮތުން މައްސަލައިގެ ތަޙްޤީޤަށް ބޭނުންވާ ލިޔެ ކިޔުންތަކާއި، އިލެކްޓްރޯނިކް ބައެއް ސާމާނު ވަނީ ފުލުހުންގެ ބެލުމުގެ ދަށަށް ގެނެވިފައި."

ޑެޕިއުޓީ ކޮމިޝަނަރ އޮފް ޕޮލިސް އިސްމާޢީލް ނަވީން --

ނަވީން ވިދާޅުވީ އެމައްސަލައިގެ ތަޙްޤީޤު މިހާރު ހިނގަމުންދާތީވެ، އެމައްސަލައިގައި ދިރާސާކުރަންޖެހޭ ލިޔެކިޔުންތަކާއި، އިލެކްޓްރޯނިކްސް ދިރާސާކުރުމުމުގެ މަސައްކަތްތައް ދަނީ ކުރަމުން ކަމަށެވެ. 

މަސްތުވާތަކެތީގެ ވަބާގައި ޖެހިފައިވާ ފަރާތްތައް އެކަމުން ސަލާމަތް ކުރުމަށް އުފައްދާފައިވާ ނެޝަނަލް ޑްރަގް އެޖެންސީ (އެންޑީއޭ) ގެ މައްޗަށް މީގެ ކުރިންވެސް އެފަދަ ތުހުމަތު ތަކެއް ކުރެވުނު ނަމަވެސް، މިއީ މިހާ ފުޅާ ގޮތެއްގައި މިމައްސަލަތައް ބަލަންފެށި ފުރަތަމަ ފަހަރެވެ. 

އިއްޔެ ފުލުހުން މިމައްސަލައިގައި މައުލޫމާތު ހިއްސާކޮށްފައި ވާއިރު، ނެޝަނަލް ޑްރަގް އެޖެންސީ (އެންޑީއޭ) ގެ ފަރާތުން ބާއްވާ ނޫސްވެރިންގެ ބައްދަލުވުމެއް މިއަދު ހަވީރު 16:00ގައި ބޭއްވުމަށް ހަމަޖައްސާފައިވާ ކަމުގައި އެ އިދާރާއިން ވަނީ ބުނެފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.