Advertisement

ކުރީގެ ރައީސް އިބްރާހީމް މުޙައްމަދު ޞާލިޙް --

06 Mar 2024
ޚަބަރު
ޢަލީ ސުލައިމާން

ވެރިކަމަށް އައުމަށް ވީ އެއްވެސް ވަޢުދެއް ފުއްދާ ތަނެއް ނުފެނޭ: ރައީސް ޞާލިޙް

ރައީސުލްޖުމްހޫރިއްޔާ ޑރ، މުޙައްމަދު މުއިއްޒު ވެރިކަމަށް ވަޑައިގެންނެވުމަސް، ވެވަޑައިގެންނެވި އެއްވެސް ވަޢުދެއް ފުއްދަމުންދާތަން ނުފެންނަ ކަމުގައި ކުރީގެ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، މިސްރާބު ހަމަމަގަށް މިޝިޢާރުގެ ދަށުން އެމްޑީޕީން ކުރިއަށްގެންދާ މަޖިލިސް ކެމްޕޭނުގެ ތެރެއިން އަތޮޅުތަކަށް ކުރައްވަމުން ގެންދަވާ ދަތުރުފުޅުގައި، ނ. އަތޮޅަށް ވަޑައިގެން އެމްޑީޕީގެ މެމްބަރުންނާއި ބައްދަލުކުރައްވަިއ ދެއްކެވި ވާހަކަފުޅުގައެވެ.  

ރައީސް ޞާލިޙް ވިދާޅުވީ، ޚާއްޞަކޮށް، ރައީސް ޑރ. މުޙައްމަދު މުޢިއްޒު އަތޮޅުތެރޭގެ ރަށްރަށުގެ ތަރައްޤީއަށްޓަކައި ކޮށްދެއްވަން ވިދާޅުވި، މަސައްކަތްތަކުގެ ތެރެއިން، މިހާތަނަށް ކުޑަ މިންވަރެއްގެ މަސައްކަތްވެސް މިހާތަނަށް އައިރު ފަށާފައި ނުވާ ކަމަށެވެ.

"ހެއްދެވީ ދޮގު، އޮޅުވާލެއްވި. އަދި މިހާރުވެސް އެގެންދަވަނީ، ދޮގު ހައްދަވަމުން އޮޅުވާލައްވަމުން. އަޅުގަނޑުމެން އިތުރަށް ފުރުޞަތު ދީފިކަމަށް ވަންޏާ އަޅުގަނޑުމެން ހީނުކުރާ، ދިމާއަކަށް މި ޤައުމު ސޮއްސައިލާނެ"

ކުރީގެ ރައީސް އިބްރާހީމް މުޙައްމަދު ޞާލިޙް --

ކުރީގެ ރައީސް ޞާލިޙް ވިދާޅުވީ، ރައީސް ޑރ. މުހައްމަދު މުއިއްޒު ވެރިކަަަމަށް ވަޑައިގެން ހަފްތާއެއް ނުވަނީ، އެޕާޓީ ބައިބައިވެއްޖެ ކަމަށެވެ. އަދި އެޕާޓީ ބައިބައިވެގެން ދިޔައީވެސް ގަދަބާރާއި، ބިރުވެރިކަމާއި ނުފޫޒު އިންތިހާއަށް ބޭނުންކުރަން ފެށުމުން ކަމަށެވެ. އަދި ޑިމޮކްރެސީގައި ރައްޔިތުންނަށް ހޯދައިދިން ބަސްބުނުމާއި ފާޑުކިޔުމުގެ މިނިވަންކަން ހުރަސްއަޅައި ނޫސްތައް ބަންދުކުރަން ފެށިކަން ރައީސް ޞާލިޙްގެ ވާހަކަފުޅުގައި ފާހަގަކުރެއްވިއެވެ.

މީގެ އިތުރުން ރައީސް ޞާލިޙްގެ ވާހަކަފުޅުގައި ވަނީ، ޤާނޫނު އަސާސީގެ ބާރު ކަނޑުވާލުމަށާއި، ރައްޔިތުންގެ މަޖިލީހުގެ މައްޗަށް ނުފޫޒު ފޯރުވުމަށް ސަރުކާރުން މަސައްކަތްކުރެއްވިކަންވެސް ފާހަގަކުރައްވައި މަޖިލީހުގެ މެމްބަރުންތަކެއް ޕީއެންސީއަށް ގެންދިޔައީ ފައިސާ ދީގެންކަމުގައި ވިދާޅުވެފައެވެ.

ރައްޔިތުންގެ މަޖިލީހުގެ އިންތިޚާބުގެ ކެމްޕޭންތައް ފެށިގެން ކުރިޔަށް ދާއިރު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެސް މިހާރު ގެންދަވަނީ އަތޮޅުތެރެއަށް ދަތުރުފުޅު ކުރައްވަމުންނެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.