Advertisement

ފުލުހުންގެ މައި މަރުކަޒު ---

05 Mar 2024
ޚަބަރު
ޢަލީ ސުލައިމާން

އަނަސްގެ މަރުގެ މައްސަލައިގައި ކުށްސާބިތު ނުވެގެން ދޫކޮށްލި މީހަކު މަސްތުވާތަކެތީގެ މައްސަލައެއްގައި ހައްޔަރުކޮށްފި

އަނަސްގެ މަރުގެ މައްސަލައިގައި ކުށްސާބިތު ނުވެގެން ދޫކޮށްލި މީހަކު މަސްތުވާތަކެތީގެ މައްސަލައެއްގައި ރޭ ހައްޔަރުކޮށްފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ހޯމް މިނިސްޓްރީގެ ދަށުން ހިންގާ މުއައްސަސާތަކުގެ މަސައްކަތްތަކާއި ގުޅޭ ގޮތުން މީޑިއާއަށް މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގައި، ޑެޕިއުޓީ ކޮމިޝަނަރ އޮފް ޕޮލިސް އިސްމާޢީލް ނަވީން ވިދާޅުވީ، ރ. މީދޫ ފެންފިޔާޒުގޭ މުހައްމަދު އަނަސް މަރާލުމުގެ ކުށުގެ ތުހުމަތުގައި ހައްޔަރުކޮށް ދައުލަތުން ދައުވާ އުފުލި 7 މީހުންގެ މައްޗަށް ކުށްސާބިތު ނުވާކަމަށް ކްރިމިނަލްކޯޓުން ހުކުމް ކުރުމުން އެމީހުން ބަންދުން ދޫވެފައި ވާއިރު، އޭގެ ތެރޭގައި ހިމެނޭ މީހަކު ރޭ ފުލުހުން ހިންގި ޑްރަގް އޮޕަރޭޝަނެއްގައި ހައްޔަރުކޮށްފައިވާ ކަމަށެވެ.

ނަވީން ވިދާޅުވީ، އޭނާ ހައްޔަރުކޮށްފައި ވަނީ މަސްތުވާތަކެއްޗައި ބަނގުރާ އުފުލަމުން ދިޔަ ކަނޑު އުޅަނދެއް އަތުލައިގަތުމަށް ފުލުހުން ހިންގި އޮޕަރޭޝަނެއްގެ ތެރެއިން ކަމަށެވެ. އަދި އެމައްސަލައިގެ ތަފްސީލްތައް އަންނަ އާދީއްތަ ދުވަހު ފުލުހުންގެ ކްރައިން ޑިޕާޓްމަންޓުން ބާއްވާ ނޫސްވެރިންގެ ބައްދަލުވުމުގައި ހާމަކުރާނެ ކަމުގައި ނަވީން ވިދާޅުވިއެވެ.

މީގެ އިތުރުން ނަވީން ވިދާޅުވީ، އަނަސްގެ މަރުގެ މައްސަލައިގައި ތުހުމަތު ކުރެވުނު މީހުން ދޫވުމަކީ ވަރަށް ބޮޑު ކަންބޮޑުވުމެއް އޮތްކަމެއް ކަމަށެވެ. އަދި އެމައްސަލައިގެ އިސްތިއުނާފް ލަސްވެފައި ވަނީ ކްރިމިނަލްކޯޓުން މައްސަލަ ނިމުނު ގޮތުގެ ރިޕޯޓް ލިބުން ލަސްވަމުންދާތީ ކަމަށާއި، އެރިޕޯޓް ލިބުމާއި އެކު ޤާނޫނީ ގޮތުން ކުރަންހުރި މަސައްކަތްތައްކޮށް ޕީޖީއާ ގުޅިގެން އެމައްސަލަ އިސްތިއުނާފް ކުރާނެ ކަމުަގައިވެސް ނަވީން ވިދާޅުވިއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.