އިންގްލިޝް ޕްރިމިއަ ލީގުގައި މެންޗެސްޓަރގެ ދެ ޓީމު ބައްދަލުކުރި މެޗުގެ ކުރީކޮޅު ޔުނައިޓުގެ މާކަސް ރަޝްފޯޑު މިސައިލެއްގެ ބާރުމިނުގައި ފޮނުވާލި ބޯޅަ ހުރަސް ދަނޑީގައި ޖެހިފައި ގޯލުގެ އެތެރެއަށް ވަދެ، ލީގުގެ ޓޭބަލް ހައްސާސް ފައްތަރަކަށް އޮތް ދަނޑިވަޅެއްގައި މި ގޯލުގެ ސަބަބުން ސިޓީއަށް ލިބިދާނެ ގެއްލުމެއްގެ ދިފާއުގައި ނިކުތީ ފިލް ފޯޑަންއެވެ. 

ޔުނައިޓެޑުން މެޗުގެ ކުރީ ކޮޅު ލީޑު ނެގިފަހުން، ރަޝްފޯޑަށް ވަނީ ލީޑު އިތުރު ކުރުމަށް ރަގަޅު ދެ ފުރުސަތެއް ލިބިފައެވެ. އެއް ފުރުސަތުގައި ބޯޅައިގައި ރަނގަޅަށް ޖަހާ ނުލެވުނުއިރު، އަނެއް ފުރުސަތު ދިފާއުކުރީ ސިޓީގެ ޑިފެންޑަރު ކައިލް ވޯކާގެ ބާރު ދުވެއްޔެވެ.

ފުރަތަމަ ހާފު ނިމުމުގެ ކުރިން ސިޓީއަށް އެއްވަރު ކުރާނެ ރަގަޅު ފުރުސަތެއް ލިބުނެވެ. ނަމަވެސް މުޅިން ހުސްކޮށް އޮތް ގޯލަށް ހާލަންޑު ފޮނުވާލި ބޯޅަ ދިޔައީ ގޯލުގެ ހުރަސް ދަނޑި މަތިންނެވެ.

މެޗުގެ ނަތީޖާ ހަމަހަމަ ކުރި ގޯލު ފޯޑެން ކާމިޔާބުކުރީ މެޗުގެ 56 ވަނަ މިނެޓުގައެވެ. އަދި 80 ވަނަ މިނެޓުގައި އިތުރު ގޯލެއް ޖަހާ ސިޓީއަށް ލީޑު ނަގާދީފައި ވަނިކޮށް ހާލަންޑު ވަނީ އިތުރު ވަގުތުގައި ސިޓީއަށް ތިން ވަނަ ގޯލެއް ކާމިޔާބުކޮށްދީފައެވެ. 

މި ނަތީޖާއާ އެކީ ސިޓީ މިހާރު ވެސް އޮތީ ލިވަޕޫލްގެ ފަހަތުން ލީގުގެ ދެވަނައިގައެވެ.