Advertisement

ޕަބްލިކް ޓްރާންސްޕޯޓަށް ދަތިވާގޮތަށް، ދަރުމަވަންތަ ހޮސްޕިޓަލް ކައިރީގައި ޕާކުކޮށްފައި އޮތް ކާރެއް --

03 Mar 2024
ޚަބަރު
ޢަލީ ސުލައިމާން

ޤަވާއިދާއި ޚިލާފަށް ޕާކުކުރާ ފަރާތްތަކާއި މެދު ފިޔަވަޅު އަޅައި ޖޫރިމަނާ ކުރަން ނިންމައިފި

ޤަވާއިދާއި ޚިލާފަށް އެއްގަމު އުޅަނދު ޕާކުކުރާ ފަރާތްތަކަށް، އަންނަ ބުރާސްފަތި ދުވަހުންފެށިގެން ފިޔަވަޅުއަޅައި ޖޫރިމަނާކުރަން ފަށާނެ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން މިއަދު ނެރުނު ނޫސް ބަޔާނުގައި ވިދާޅުވީ، މަގުމަތީ ހިނގާ ބިނގާވެ އުޅުމަށާއި، ޕަބްލިކް ޓްރާންސްޕޯޓަށާއި އެމާޖެންސީގައި ދުވާ އުޅަނދުފަހަރަށް ދަތިވާގޮތަށް، ޤަވާއިދާއި ޚިލާފަށް ޕާކުކުރާ ފަރާތްތަކާއި މެދު، އަންނަ ބުރާސްފަތި ދުވަހުންފެށިގެން، އެއްގަމު ދަތުރުފަތުރުގެ ޤާނޫނުގެ 7 ވަނަ މާއްދާގެ (ނ) އަދި އެއްގަމު އުޅަނދު ޕާކުކުރުމުގެ ޤަވާއިދުގެ 14 ވަނަ މާއްދާގެ (ށ)ގެ ދަށުން ފިޔަވަޅު އަޅާނެ ކަމަށެވެ.

މިގޮތުން ޤަވާއިދާއި ޚިލާފަށް ޕާކުކުރާތީ ފިޔަވަޅު އެޅުމުގައި އިސްކަންދޭނެ ތަންތަނުގެ ގޮތުގައި ފުލުހުން ވަނީ، ބައެއް ތަންތަން ފާހަގަކުރައްވާފައެވެ. އެގޮތުން؛

* ގުްރީން ޒޯން

* ޕަބްލިކް ޓްރާންސްޕޯޓު ދުއްވާ މަގުތައް

* މަގުތަކާއި ގޯޅިތަކުގެ ކަންމަތި

* ސްކޫލުތައް ހިމެނޭ ސަރަހައްދު

* އޮފީސް އިމާރާތްތަކާއި، ހޮސްޕިޓަލްތަކާއި، ޚާއްޞަ އެހީއަށް ބޭނުންވާ މީހުންނަށް ޚާއްޞަ ކުރެވިފައިވާ ތަންތަނާއި، މިސްކިތްތަކާއި، އާއްމު ގޭބިސީތަކާއި، ގަރާޖުތަކަށް ވަދެ ނުކުމެ ހަދާ ފަރާތްތަކަށް ދަތިވާނޭހެން ޕާކުކުރާ އުޅަނދުފަހަރު؛ އާއި މެދު ފިޔަވަޅު އަޅައި ޖޫރިމަނާ ކުރާނެކަމުގައި ފުލުހުން ވަނީ ވިދާޅުވެފައެވެ.

މިގޮތުން ބުރާސްފަތި ދުވަހުން ފެށިގެން، މާލެ، ހުޅުމާލޭގައި ފިޔަވަޅު އަޅަން ފަށާނެ ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ.

މާލޭގައި އެއްގަމު އުޅަނދުފަހަރު ޕާކުކުރާނެ ތަން ނެތުމުގެ މައްސަލަ ބޮޑުވެފައި ވާއިރު، ޕާކު ކުރާނެ ތަން ނުދައްކައި، ޖޫރިމަނާ ނުކުރުމަކީ، ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ރިޔާސީ ވަޢުދެކެވެ. އެ ވަޢުދުގެ ދަށުން ފާއިތުވި ތިންމަހެއްހާ ދުވަހު އެއްގަމު އުޅަނދުފަހަރު ޤަވާއިދާއި ޚިލާފަށް ޕާކުކޮށްގެން ސްޓިކާ ޖެހުން ހުއްޓާލާފައި ވާއިރު، އެކަމުގެ ސަބަބުން ޤަވާއިދާއި ޚިލާފަށް ޕާކު ކުރުން އިތުރުވެ އެކަން ވަނީ އާއްމު އުނދަގުލަކަށްވެފައެވެ.

ބުރާސްފަތި ދުވަހު އަލުން ޤަވާއިދާއި ޚިލާފަށް ޕާކުކުރާ އުޅަނދުފަހަރު ޖޫރިމަނާ ކުރަންފަށާއިރު، ރައީސުލްޖުމްހޫރިއްޔާގެ ވަޢުދުފުޅާއި އެއްގޮތަށް އެއްގަމު އުޅަނދު ޕާކުކުރާނެ އެކަށީގެންވާ މިންވަރަށް ޖާގަ ހެދިފައެއް ނުވެއެވެ. 

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.