Advertisement

02 Mar 2024
ޚަބަރު
މިފްތާޙް މުޙައްމަދު

މި މަސް ތެރޭގައި އެއާ އެމްބިއުލެންސްއެއްގެ ގޮތުގައި ސީޕްލޭނެއް ވެސް ދުއްވަން ފަށާނެ: ރައީސުލްޖުމްހޫރިއްޔާ

ކުރިޔަށް އޮތް 2 ނުވަތަ 3 ހަފްތާގެ ތެރޭގައި އެއާއެމްބިއުލެންސެއްގެ ގޮތުގައި ސީޕްލޭނެއް ބޭނުންކުރަން ފަށާނެކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. ރައީސުލްޖުމްހޫރިއްޔާ މިހެން ވިދާޅުވީ މާޅޮސްމަޑުލު އުތުރުބުރި އަދި މާޅޮސްމަޑުލު ދެކުނުބުރީގެ ބައެއް ރަށްތަކަށް ކުރައްވާ ތިން ދުވަހުގެ ދަތުރުފުޅުގައި މިއަދު ރ. އަލިފުއްޓައް ވަޑައިގެން އެ ރަށު ރައްޔިތުންނާ މުހާތަބުކޮށް ވާހަކަފުޅުދައްކަވަމުންނެވެ.

ރައީސުލްޖުމްހޫރިއްޔާ ވިދާޅުވީ، އެއާ އެމްބިއުލެންސްގެ ސީޕްލޭންގެ ޚިދުމަތަކީ މެޑިކަލް އިވެކުއޭޝަންގެ ޚިދުމަތް އިތުރަށް ފުޅާކުރުމުގެ މަގުސަދުގައި ސަރުކާރުން ފައްޓަވާ ޚިދުމަތެއް ކަމަށެވެ. އަދި އޭރުން، ދުވާލު ގަޑީގައި ކުރިމަތިވާ ސިއްހީ ކުއްލި ހާލަތްތަކުގައި އެއާޕޯޓެއް ނެތް ރަށްރަށަށް ވެސް އެއާ އެމްބިއުލެންސްގެ ޚިދުމަތް ފުޅާވެގެންދާނެކަމަށް އެމަނިކުފާނު ވިދާޅުވިއެވެ.

"އިއްޔެގަ އެއާ އެމްބިއުލެންސް ދުއްވަން މިފެށުނީ. އެއާ އެމްބިއުލެންސްގެ ޚިދުމަތް ވެސް އިތުރަށް ފުޅާކުރަން އަޅުގަނޑު ގަސްތުކޮށްފައި މިއޮތީ. ސީޕްލޭން ވެސް އިރާދަކުރެއްވިއްޔާ ދެ ހަފްތާއެއް ނުވަތަ ތިން ހަފްތާއެއް ތެރޭ އުދުހެން ފަށާނެ. އެއީ އެއާ އެމްބިއުލޭންސްގެ ސީޕްލޭނެއް. އޭރުން އެއާޕޯޓެއް ނެތް ރަށްރަށަށް ވެސް ކުއްލި ހާލަތުގެ ސީޕްލޭން ޖައްސާނެ".

ރ. އަލިފުއްޓަށް ވަޑައިގެން އެ ރަށު ރައްޔިތުންނާ މުހާތަބުކޮށް ރައީސުލްޖުމްހޫރިއްޔާ ދެއްކެވި ވާހަކަފުޅުގެ ތެރެއިން

އެއާ އެމްބިއުލެންސްއާއެކު ރާއްޖޭގެ ކޮންމެ ރަށަކުން ވިޔަސް، މެޑިކަލް އިވެކިއުއޭޝަނެއް ހަދަން ޖެހިއްޖެ ހާލަތެއްގައި، އެކަން ކުރުމުގެ ގާބިލުކަން ފަހިވެގެންދާނެ ކަމަށް ރައީސް ޑރ.މުއިއްޒު ވަނީ ކުރިން ވިދާޅުވެފައެވެ.

މީގެ އިތުރުން، ކެމްޕެއިންގައި ވައުދުވެ ވަޑައިގެންނެވި ފަދައިން ރ. އަލިފުށީގެ ސިއްހީ މަރުކަޒު ހޮސްޕިޓަލަކަށް ބަދަލުކުރައްވާނެކަމަށް މިއަދު އެ ރަށު ރައްޔިތުންނާ މުހާތަބުކޮށް ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވިއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.