ފްރާންސް ލީގުގައި ރޭ، އެ ލީގުގެ ޗެމްޕިއަން ޕެރިސް ސެއިންޓް ޖާމެއިން (ޕީއެސްޖީ) އާއި މޮނާކޯ ބައްދަލުކުރި މެޗު 0-0 އިން އެއްވަރުވިއިރު، މެޗުގެ ފުރަތަމަ ހާފަށްފަހު އެ ޓީމަށް އެންމެ ގިނަ ގޯލު ޖަހާފައިވާ ކީލިއަން އެމްބައްޕޭ ވަނީ ބަދަލުކޮށްފައެވެ. މިއީ ހަމަގައިމުވެސް ނިމުމެއްގެ ފެށުމަށް ޕީއެސްޖީގެ ކޯޗު ވާން ފަށާފައިވާ ތައްޔާރީތަކެއްކަން ޔަގީނެވެ.

އުމުރުން 25 އަހަރުގެ އެމްބައްޕޭ ވަނީ މި ސީޒަނަށްފަހު ސްޕެއިންގެ ރިއާލް މެޑްރިޑަށް ބަދަލުވާނެކަން ހާމަކޮށްފައެވެ. އަދި އޭގެފަހުން، އޭނާގެ މަންމަ މެޑްރިޑަށް ދަތުރުކޮށް، އެ ސިޓީއިން ގެއެއް ބަލާފައިވާކަމަށް ވެސް ހަބަރުތައް ފެތުރުނެވެ. އަދި އޭގެ ފަހުން ކުވެއިތުގެ އަމީރާއި ފްރާންސްގެ ރައީސާއެކު އެމްބައްޕޭ ބޭއްވި ބައްދަލުވުމަކީ، އޭނާގެ ޓްރާންފާއާ ގުޅުންހުރި ކަންތައްތަކެކެވެ.

ޕީއެސްޖީގެ ކޯޗު ލުއިޒް އެންރީކޭ ބުނީ، އެމްބައްޕޭ ފުރަތަމަ ހާފު ކުޅުމަށްފަހު ބަދަލުކުރުމަކީ އޭނާގެ ނިންމުމެއް ކަމަށާއި، އެމްބައްޕޭއާ ނުލައި ކުޅެން ފަރިތަ ކުރުމަކީ މިވަގުތު ޓީމަށް އެންމެ ރަގަޅު ގޮތް ކަމަށެވެ.

ޕީއެސްޖީއަށް މިހާތަނަށް އެންމެ ގިނަ ގޯލު ޖަހާފައިވާ އެމްބައްޕޭ ރޭގެ މެޗުގެ ފަހު ހާފު ބަލާފައިވަނީ ބެންޗު ދޫކޮށް ގޮސް، އޭނާގެ އާއިލާއާއެކުއެވެ. އޭނާވަނީ މިހާތަނަށް އެ ޓީމަށް 244 ގޯލު ކާމިޔާބުކޮށްދީފައެވެ.