Advertisement

މޯލްޑިވްސް ޕޮލިސް ސަރވިސްގެ މައި އިދާރާ ---

27 Feb 2024
ޚަބަރު
ޢަލީ ސުލައިމާން

ފުލުހުންގެ އަމުރަށް ނުކިޔަމަންތެރިވެ އިންޒާރުދިން ބަޔަކު ހައްޔަރުކޮށްފި

ފުލުުހުންގެ އަމުރަށް ނުކިޔަމަންތެރިވެ ފުލުހުންނަށް އިންޒާރުދިން ގުރޫޕެއްގައި ހިމެނޭ ބަޔަކު ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، މިމަހުގެ 11 ވަނަ ދުވަހު، ހުޅުމާލެ ފޭސް 1ގައި، ޓްރެފިކް ޤަވާއިދާއި ޚިލާފަށް އަދި އާއްމުންގެ ހިތްތަކުގައި ބިރުވެރިކަން އުފެދޭ ގޮތަށް ބާރު ސްޕީޑުގައި ސައިކަލް ދުއްވި މީހަކު، މަޑުކުރަން އެންގުމުން ފުލުހުންގެ އަމުރަށް ނުކިޔަމަންތެރިވެ މަޑުނުކޮށް ހުޅުމާލެ ފޭސް 2 އަށް ދިޔަކަމަށެވެ. އަދި ހުޅުމާލެ ފޭސް 2 ގެ ހިޔާގެ 11 ވަނަ ޓަވަރުކައިރިން އޭނާ ހުއްޓުވައި، ފުލުހުންގެ ބެލުމުގެ ދަށް ގެންނަން އުޅުމުން، ފުލުހުންގެ ދައުރު އަދާކުރުމަށް ހުރަސްއަޅައި، އެސަރަހައްދުގެ އާއްމު މަސްލަހަތު ގެއްލޭ ގޮތަށް އަމަލުކޮށް އަދި އެތަނުގައި ހަރަކާތްތެރިވި ފުލުހުންނާއި އެފުލުހހުންގެ އާއިލާއަށް ނިސްބަތްކޮށް އިންޒާރުދީފައިވާ ކަމަށެވެ.

މިހާދިސާގެ ވީޑިއޯ ސޯޝަލް މީޑިއާގައި ދައުރުވެފައި ވާއިރު، ފުލުހުންގެ ވާޖިބާއި މަސްއޫލިއްޔަތު އަދާކުރުމަށް ފުލުހުން ނުކުޅެދިފައިވާ ކަމަށް ބުނެ ބައެއް ފަރާތްތަކުން ވަނީ ސޯޝަލް މީޑިއާގައި ފުލުހުންގެ ޕްރޮފެޝަނަލިޒާމާއި މެދު ސުވާލު އުފައްދާފައެވެ.

ފުލުހުންގެ އިދާރާއިން ވިދާޅުވީ، އެދުވަހުގެ ހާދިސާ އާއި ގުޅިގެން މިހާތަނަށް އެކި ދުވަސް މަތިން، ކޯޓު އަމުރުގެ ދަށުން، 4 މީހަކު ހައްޔަރުކޮށްފައި ވާކަމަށެވެ. އޭގެ ތެރޭގައި ހިމެނެނީ 21 އަހަރުގެ ދެފިރިހެނުންނާއި، 24 އަހަރުގެ ފިރިހެނަކާއި އަދި 26 އަހަރުގެ ފިރިހެނެކެވެ. 

ފުލުހުންގެ އިދާރާއިން ވިދާޅުވީ ހައްޔަރު ކުރި މީހުންގެ ތެރެއިން 21 އަހަރުގެ ދެމީހުންނާއި، 24 އަހަރުގެ މީހާ ހައްޔަރުކޮށްފައި ވަނީ ހުޅުމާލެއިން ކަމަށާއި، 26 އަހަރުގެ މީހާ ހައްޔަރުކޮށްފައި ވަނީ ލ. ގަމުގައި ހުއްޓައި ކަމަށެވެ. 

އަދި ހުޅުމާލެއިން ހައްޔަރުކުރި 21 އަހަރުގެ ދެމީހުންގެ ތެރެއިން އެކަކު ހައްޔަރުކޮށްފައި ވަނީ މިއަދު ކަމުގައިވެސް ފުލުހުންގެ އިދާރާއިން ވިދާޅުވިއެވެ. ހުޅުމާލެއިން ހައްޔަރު ކުރި މީހުންގެ ތެރެއިން 21 އަހަރުގެ އެކަކު 2 ދުވަހަށް، އަދި 21 އަހަރުގެ އަނެއް މީހާ 24 އަހަރުގެ މީހާ، 10 ދުވަހަށް ބަންދުގައި ބޭތިއްބުމަށް ހުޅުމާލެ މެޖިސްޓްރޭޓްކޯޓުން އަމުރު ދީފައިވާ ކަމަށްވެސް ފުލުހުންގެ އިދާރާއިން ވިދާޅުވިއެވެ.

މީގެ އިތުރުން ލ. ގަމުން ހައްޔަރު ކުރި 26 އަހަރުގެ މީހާގެ ބަންދަށް، ގަން މެޖިސްޓްރޭޓް ކޯޓުން 30 ދުވަސް ޖަހައިދީފައިވާ ކަމުގައިވެސް ފުލުހުންގެ އިދާރާއިން ވަނީ ވިދާޅުވެފައެވެ. އެހެން ނަމަވެސް ކަފާލާތުގެ ދަށުން އެހެން މީހަކު ޖާމިނުކޮށް އޭނާ ގޭބަންދަށް ފަހުން ބަދަލުކޮށްފައިވާ ކަމުގައިވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ ފުލުހުންގެ އަމުރަށް ނުކިޔަމަންތެރިވުމާއި ފުލުހުންނަށް އިންޒާރުދީ ބިރުދެއްކުމާއި، ފުލުހުންގެ ދައުރު އަދާކުރުމަށް ހުރަސްއެޅުމުގެ މި މައްސަލަތައް ފުލުހުން ތަޙްޤީޤު ކުރަމުންދާ ކަމަށެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.