Advertisement

އިންޑިއާގެ ހެލިކޮޕްޓަރުގައި ބަލި މީހަކު އުފުލަނީ --

26 Feb 2024
ޚަބަރު
ޢަލީ ސުލައިމާން

އިންޑިއާގެ ސިފައިންގެ ބަދަލުގައި، އިންޑިއާގެ ހެލިކޮޕްޓަރާއި ޑޯނިއާ ފްލައިޓް ދުއްވުމަށް އިންޑިއާއިން މީހުން ފޮނުވައިފި

ރާއްޖޭގައި އިންޑިއާ ސިފައިން ޤާއިމްވެ ތިބި މަރުކަޒުތަކުގައި ބޭތިއްބުމަށް އިންޑިއާގެ ސިފައިންގެ ބަދަލުގައި އިންޑިއާ ސަރުކާރުން ފޮނުވާ ފުރަތަމަ ގުރޫޕް މިއަދު މާލެ އައިސްފައިވާ ކަމުގައި ޑިފެންސް މިނިސްޓްރީން ބުނެފިއެވެ.

ޑިފެންސް މިނިސްޓްރީން މިރޭ ނެރުނު ނޫސްބަޔާނުގައި ވިދާޅުވީ، އިންޑިއާއިން ރާއްޖެއަށް ހަދިޔާކޮށްފައިވާ، ހެލިކޮޕްޓަރު ދުއްވުމަށް އެޤައުމުން ފޮނުވާ ސިފައިން ކަމުގައި ނުހިމެނޭ އިންޑިއާގެ އާއްމު ކްރޫ މާލެ އައީ މިއަދު ހަވީރު ކަމަށެވެ. އަދި އެޓީމް މިރޭ އައްޑޫ ސިޓީއަށް ގޮސް، ހޭޑް އޯވަރ އަދި ޓޭކް އޯވަރ މަސައްކަތްތައް ފަށާނެ ކަމުގައިވެސް ޑިފެންސް މިނިސްޓްރީން ވަނީ ބުނެފައެވެ. އަދި ކަނޑައެޅިފައިވާ ތާރީޚަށް ރާއްޖޭގައި ޤާއިމްވެތިބި އިންޑިއާ ސިފައިން ދިވެހިރާއްޖެއިން ފައިބާނެ ކަމުގައިވެސް ޑިފެންސް މިނިސްޓްރީން ވަނީ ވިދާޅުވެފައެވެ.

މީގެ އިތުރުން ޑިފެންސް މިނިސްޓްރީން ވިދާޅުވީ، އައްޑޫ ސިޓީގައި ތިބި އިންޑިއާ ސިފައިން ބަދަލުވުމުގެ މަރުހަލާތަކުގެ ތެރެއިން، ސ. ގަމުގައި ސްޓޭޝަން ކުރެވިފައިވާ ހެލިކޮޕްޓަރު މަރާމާތަށް އިންޑިއާއަށް ގެންދިޔުމަށްޓަކައި، މާދަމާއިން ފެށިގެން އެ ހެލިކޮޕްޓަރު ޓެސްޓް ދަތުރުތަކެއް ކުރާނެ ކަމަށެވެ. އަދި އެ ހެލިކޮޕްޓަރުގެ ބަދަލުގައި އިންޑިއާއިން ގެންނަ ހެލިކޮޕްޓަރު ހިފައިގެން އަންނަ އިންޑިއާގެ މަނަވަރު، ބުދަ ދުވަހު އައްޑޫ ސިޓީއަށް އަންނާނެ ކަމުގައިވެސް ޑިފެންސް މިނިސްޓްރީން ވިދާޅުވިއެވެ.

ޑިފެންސް މިނިސްޓްރީން ހާމަކޮށްފައިވާ ގޮތުގައި، ލ.ކައްދޫ އާއި ހދ. ހަނިމާދޫގައި ސްޓޭޝަން ކުރެވިފައިވާ، އިންޑިއާ ސިފައިން، މެއި މަހުގެ 10 ވަނަ ދުވަހުގެ ކުރިން އަނބުރާ އިންޑިއާއަށް ދާނެއެވެ. 

ކޮމެންޓް
އިތުރު އާޓިކަލް
16 Sep 2024
ޚަބަރު
މަގުމަތިން މީހެއްގެ އަތުން ސައިކަލެއް ފޭރުނު މީހަކު ހައްޔަރުކޮށްފި
ފުލުހުންގެ އިދާރާއިން ވިދާޅުވީ، މަގުމަތިން މީހެއްގެ އަތުން ސައިކަލެއް ފޭރިގަތް މައްސަލައިގައި ހައްޔަރުކޮށްފައި ވަނީ، މާލެ ދަފްތަރު ނަމްބަރު 5624، އަޙްމަދު ޝައިރަފް ޢަބްދުއްރަޙީމް (30އ) ކަމަށެެވެ.
16 Sep 2024
ޚަބަރު
މާލޭގެ ގެއަކަށް ފިރިހެނަކު ވައްދައި ފޭރުނު ބަޔަކަށް ދައުަވާކުރަން ފޮނުވައިފި
މިގޮތުން، މއ. މަސްފަން، ޢާއިޝަތު (43އ) އާއި މއ. މަސްފަން، މުޙައްމަދު ރީހާން (27އ) އަދި ސ. ހިތަދޫ / ސޯމާ، ޝަފީޤު އިބްރާހީމް (35އ) މައްޗަށް ދައުވާކުރުމާ މެދު ގޮތެއް ނިންމައިދިނުމަށް އެދި ޕްރޮސެކިއުޓަރ ޖެނެރަލްގެ އޮފީހަށް މައްސަލަ ފޮނުވާފައިވަނީ މި ސެޕްޓެންބަރު މަހުގެ 9 ވަނަ ދުވަހުގައި ކަމަށް ފުލުހުންގެ އިދާރާއިން ވިދާޅުވިއެވެ.
16 Sep 2024
ޚަބަރު
ރާވައިގެން މީހަކު ގެސްޓް ހައުސަކަށް ގެންގޮސް ފޭރުނު ދެމީހުންނަށް ދައުވާކުރަން ފޮނުވައިފި
ފުލުހުންގެ އިދާރާއިން ވިދާޅުވީ، ފޭރުމުގެ އެ ޢަމަލު ހިންގި ގ. އޯލްޕެރިސް، އަޙްމަދު މިހާދު (44އ) އަދި ގ. ރަނައުރާގެއާގެ، ރިމާނާ މޫސާ (39އ) މައްޗަށް ދައުވާކުރުމާ މެދު ގޮތެއް ނިންމައިދިނުމަށް އެދި ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައި ވަނީ މި ސެޕްޓެންބަރު މަހުގެ 12 ވަނަ ދުވަހުގައި ކަމަށެވެ.
16 Sep 2024
ޚަބަރު
ޕީޖީގެ މަޤާމައް ޢައްބާސް ޝަރީފް ޢައްޔަނުކުރުމަށް ރުހުންދޭން ފެންނަކަމަށް ކޮމިޓީން ފާސްކޮށްފި
އެކޮމިޓީން މިއަދު ވަނީ، އައްބާސް ޝަރީފާއި އިންޓަރވިއުކޮށްފައެވެ. މިގޮތުން، އިންޓަރވިއު ކުރުމަށް ބޭއްވި ބައްދަލުވުން ނިންމަވާލެއްވުމަށްފަހުގައި، ކޮމިޓީގެ މުޤައްރިރު، މަނަދޫ ދާއިރާގެ މެމްބަރު ޙުސްނީ މުބާރިކް ވިދާޅުވީ، ޕީޖީގެ މަޤާމަށް ޢައްޔަނުކުރެއްވުމަށްޓަކައި، ޢައްބާސް ޝަރީފްގެ ޝަރުޠު ހަމަވާކަމަށާއި އަދި އޭނާ އެމަޤާމަށް ޢައްޔަނުކުރެއްވުމާއު ގުޅޭ ގޮތުން ޝަކުވާއަށް ހުޅުވާލި ފުރުޞަތުގައި އެއްވެސް ޝަކުވާއެއްވެސް ލިބިފައި ނުވާ ކަމަށެވެ. އަދި އިންޓަވިއުގައި މެމްބަރުން މާކްސް ދެއްވި ގޮތަށް ބަލާއިރު ޢައްބާސް ޝަރީފަށް، %93.7 އިންސައްތަ މާކްސް ލިބިވަޑައިގެންނެވި ކަމުގައިވެސް ކޮމިޓީގެ މުޤައްރަރު ވިދާޅުވިއެވެ.