ރާއްޖޭގެ މީހުން ދިރިއުޅޭ ހުރިހާ ރަށެއްގައި ފުލުހުންގެ ޚިދުމަތް ޤާއިމްކުރުމުގެ ގޮތުން ހަފްތާ 14 ގެ ތެރޭގައި ހިމަނައިގެން ޕޮލިސް ޕޯސްޓްތައް ޤާއިމްކުރުމަށް ހަމަޖެއްސި 19 ރަށުގައި ޕޮލިސް ޕޯސްޓްތައް ހުޅުވައި ޚިދުމަތްދޭންފެށިފައިވާ ކަމުގައި ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، ހުސްވި ޑިސެމްބަރު މަހުން ފެށިގެން މިއަހަރުގެ މިހާތަނަށް، 19 ރަށެއްގައި ޕޮލިސް ޕޯސްޓްތައް ހުޅުވައި ޚިދުމަތްދޭންފެށިފައިވާ ކަމަށާއި އޭގެ ތެރޭގައި، ހިމެނެނީ، ހއ. ފިއްލަދޫ، ހދ. ކުރިނބި، ހދ. ނެއްލައިދޫ، ށ. ޅައިމަގު، ނ. ޅޮހި، ނ. ހެނބަދޫ، ނ. މާޅެންދޫ، ނ. މިލަދޫ، ބ. މާޅޮސް، ބ. ކިހާދޫ، ބ. ކުޑަރިކިލު، ބ. ހިތާދޫ، ވ. ތިނަދޫ އަދި ވ. ފުލިދޫ، ދ. ހުޅުދެލި، ތ. ވަންދޫ، ތ. ގާދިއްފުށި، ލ. މާބައިދޫ، ގއ. ކޮނޑޭ ކަމަށެވެ. މިގޮތުން އެންމެ ފަހުން ފޮލިސް ޕޯސްޓެއް ހުޅުވާފައި ވަނީ، ގއ. ކޮނޑޭގައެވެ. އަދި މި ފެބުރުވަރީ މަހު އެކަނިވެސް 9 ރަށުގައި މިވަނީ ޕޮލިސް ޕޯސްޓު ހުޅުވާފައި ވެއެވެ.

އަދި ޖެނުއަރީ މަހު 7 ރަށެއްގައި ޕޮލިސް ޕޯސްޓް ހުޅުވި އިރު ޖެނުއަރީ މަހުގެ ތެރޭގައި 3 ރަށެއްގައި ޕޮލިސް ޕޯސްޓްތައް ހުޅުވިއެވެ.

ފުލުހުންގެ ޚިދުމަތުން ވިދާޅުވީ، ލާމަރުކަޒީކޮށް ރައްޔިތުންނާ ގާތުން ފުލުހުންގެ ޚިދުމަތް ދިނުމަށް ކުރަމުންދާ މަސައްކަތްތަކުގެ ތެރެއިން ރަށްރަށުގައި އަވައްޓެރި ފުލުހުންގެ ޚިދުމަތް ގާއިމުކޮށް އަދި ފުލުހުންގެ ޚިދުމަތް މިހާތަނަށް ގާއިމުވެފައި ނުވާ ރަށްރަށުގައި ފުލުހުންގެ ޚިދުމަތް ގާއިމުކުރުމުގެ މަސައްކަތް މެދުކެނޑުމެއްނެތި ދަނީ ކުރަމުން ކަމަށެވެ.