މާލެ އަތޮޅު މާފުށީ ގައި ޗުއްޓީ ހޭދަކުރަމުންދިޔަ ޗައިނާގެ ފަތުރުވެރިއަކު ގެނބިގެން މަރުވެއްޖެއެވެ.

ފުލުހުންގެ އިދާރާއިން ވިދާޅުވީ، މިއަދުގެ ހާދިސާގައި ގެނބިގެން މަރުވެފައި އޮއްވައި ފެނިފައި ވަނީ ޗައިނާގެ އުމުރުން 30 އަހަރުގެ އަންހެން ފަތުރުވެރިއެއް ކަމަށެވެ. އޭނާ ފެނިފައި ވަނީ، މާފުށީ އެކްޓިވް ވޯޓަރ ސްޕޯޓްސް ކައިރިން ނެރުކައިރިއަށް ގެނބިފައި ވަނިކޮށް މިއަދު ހެނދުނު 10:25 ހާއިރުގައެވެ.

ފުލުހުންގެ އިދާރާއިން ވިދާޅުވީ، އެމީހާ ނިޔާވެފައި ވަނީ، ގެނބިފައި ވަނިކޮށް ފެނިގެން ނަގައިގެން ގެންގޮސް މާފުށީ ޞިއްޙީ މަރުކަޒުގައި ފަރުވާދެމުން ދަނިކޮށް ކަމަށެވެ. 

މިހާދިސާ ހިނގައިދިޔަ ގޮތް ފުލުހުން ދަނީ ތަޙްޤީޤުކުރަމުންނެވެ.