Advertisement
މޯލްޑިވްސް ޕޮލިސް ސަރވިސްގެ ހެޑްކުއާޓަރޒް --
މާލޭގެ މަގުމަތިން ދުއްވާފައި ދިޔަ ޕިކަޕެއްގެ ތެރޭގައި ހުރެ ބަދުއަޚުލާޤީ ވައްތަރުތަކެއް ޖެއްސި މީހަކު ހޯދަން ފަށައިފި
މާލޭގެ މަގުމަތިން ދުއްވާފައި ދިޔަ ޕިކަޕެއްގެ ތެރޭގައި ހުރެ ބަދުއަޚުލާޤީ ވައްތަރުތަކެއް ޖެއްސި މީހަކު ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުންގެ އިދާރާއިން ވަނީ، އެމީހާ އާއި ބެހޭ އެއްވެސް މައުލޫމާތެއް އެނގޭ ފަރާތެއް ހުރިނަމަ ހެންވޭރު ޕޮލިސް އިންވެސްޓިގޭޝަންގެ ނަންބަރު 9400053 އަށް ގުޅުއްވައި އެމައުލޫމާތެއް ފުލުހުންނާއި ޙިއްޞާކޮށްދެއްވުމަށް އެދިފައެވެ.
ހެންވޭރުކޮޅުން މަގުމަތީގައި ދުއްވާފައި ދިޔަ ޕިކަޕެއްގެ ތެރޭގައި ޒުވާން ފިރިހެނަކު ހުރެ، އާއްމު އިޖުތިމާޢީ މިންގަނޑުތަކާއި ޚިލާފު ވައްތަރުތަކެއް ޖައްސާ ވީޑިއޯއެއް ސޯޝަލްމީޑިއާގައި އިއްޔެ ވަނީ އާއްމުވެފައެވެ. އެކަމާއި ގުޅިގެން އާއްމުން ގެންދަނީ ސޯޝަލްމީޑިއާގައި ފާޑުކިޔައި އެމީހާއަށް އަދަބު ދިނުމަށް ގޮވާލަމުންނެވެ.
