Advertisement

ފޮޓޯ: ރައީސް އޮފީސް

21 Feb 2024
ޚަބަރު

ގައްދޫއާއި މާވަރުލު އެއަރޕޯޓް އެއްގަމު މަގުން ގުޅާލާނަން: ރައީސް

ގދ. ގައްދޫއާ އެ ރަށު ކައިރީގައި އޮންނަ މާވަރުލު އެއާޕޯޓު އެއްގަމު މަގުން ގުޅާލާނެކަމަށް ރައީސުލްޖުމުހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ރައީސް ވިދާޅުވީ މާވަރުލު އެއާޕޯޓު ތަރައްގީ ކުރުމުގެ މަސައްކަތް ވަރަށް އަވަހަށް ފަށާނެ ކަމަށެވެ. 

ގައްދޫއަށް ވަޑައިގައިން ވާހަކަ ދައްކަވަމުން ރައީސް ވިދާޅުވީ މާވަރުލު އެއާޕޯޓުގެ ތަރައްގީއަށް ކުރަންޖެހޭ ވަރަށް ގިނަ މަސައްކަތްތަކެއް ހުރި ކަމަށެވެ. އެގޮތުން މާވަރުލު އެއާޕޯޓާއި ގައްދޫ، އެއްގަމު މަގުން ގުޅާލުމަށް މަޝްރޫއުއެއް ކުރިއަށް ގެންދަވާނެކަމަށް ވިދާޅުވިއެވެ.

"އެއާޕޯޓު އިތުރަށް ތަރައްގީ ކުރުމަށް ކުރަންޖެހޭ ހުރިހާ މަސައްކަތެއް ކޮށްދީ އެ އެއާޕޯޓާ [މާވަރުލު އެއާޕޯޓު] މި ރަށް އެއްގަމުން ގުޅާލަދޭނަން،"

ރައީސުލްޖުމުހޫރިއްޔާ ޑރ. މުހައްމަދު މުއިއްޒު

ރައީސް އިތުރަށް މިއަހަރުގެ ބަޖެޓުގައި މާވަރުލު އެއާޕޯޓު ތަރައްގީ ކުރުމުގެ މަޝްރޫއު ހިމަނާފައި ނުވި ނަމަވެސް، ބަޖެޓުން ޖާގަ ހޯދައި ގައްދޫ ރައްޔިތުންގެ އިންތިޒާރަށް ނިމުމެއް ގެނެސްދޭނެ ކަމަށެވެ.

ގައްދޫގެ ބިން ހިއްކުމުގެ މަޝްރޫއެއް ކުރިއަށް ގެންގޮސް، ހޮސްޕިޓަލު ގާއިމުކުރުމުގެ މަޝްރޫއު އަދި ތައުލީމީ ފެންވަރު ރަނގަޅުކުރުމަށް ކުރަންޖެހޭ މަސައްކަތްތައް ކުރުމަށް ވެސް ރައީސް މުއިއްޒު ވައުދުވެވަޑައިގަތެވެ. އަދި ގދ. ގަން ގައްދޫ ކައުންސިލުގެ އިހުތިސާސުގައި ހިމެނުމަށް އެމަނިކުފާނު މީގެ ކުރިން ވެވަޑައިގަތް ވައުދު ފުއްދާނެ ކަމުގެ ޔަގީންކަން ރައީސް ދެއްވިއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.