Advertisement

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު --

20 Feb 2024
ޚަބަރު
ޢަލީ ސުލައިމާން

ސަރުކާރުން އަމިއްލަ ކުންފުނިތަކަށް ދޭންޖެހޭ 9 ބިލިއަން ރުފިޔާގެ ދަރަނި އެބައޮތް: ރައީސް

ސަރުކާރުން އަމިއްލަ ކުންފުނިތަކަށާއި، އަމިއްލަ މީހުންނަށް ދޭންޖެހޭ 9 ބިލިއަން ރުފިޔާގެ ދަރަނި އެބައޮތް ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ދެކުނުގެ ހަތަރުއަތޮޅަށް މިހާރު އެމަނިކުފާނު ކުރައްވަމުން ގެންދަވާ ދަތުރުފުޅުގެ ތެރެއިން މިއަދު، ގދ. ފަރެސް މާތޮޑާއަށް ވަޑައިގެން އެރަށުގެ ރައްޔިތުންނާއި ބައްދަލުކުރައްވައި ދެއްކެވި، ވާހަކަފުޅުގައެވެ. ރާއްޖޭގެ ދަރަނި އޮތް ހާލަތުގެ މައްޗަށް ރައީސުލްޖުމްހޫރިއްޔާ ވާހަކަފުޅު މިދެއްކެވީ، އެމަނިކުފާނުގެ ސަރުކާރަށް މަސްވެރިންނަށް ދޭންޖެހޭ ފައިސާ ނުދީގެން މަސްވެރިން މުޒާހަރާކޮށް އެކަމުގެ ހިތްހަމަ ނުޖެހުންތައް ބޮޑުވެފައިވާ ވަގުތެއްގައެވެ.

ރައީސުލްޖުމްހޫރިއްޔާ ވިދާޅުވީ، ޢާންމު ރައްޔިތުންގެ ކުދިކުދި ކުންފުނިތައް ލައްވައި ކުރުވާފައި ހުރި މަސައްކަތްތަކަށް ސަރުކާރުން ނުދީ ހުރި ފައިސާގެ އަދަދު 9 ބިލިއަނަށް އަރާކަމަށެވެ.

"އަޅުގަނޑު އެންމެފަހުން ބަލައިލިއިރުގައިވެސް، އަޅުގަނޑުމެންނާ ހަވާލުވިއިރުގައި ނުދައްކައި، 9 ވަރަކަށް ބިލިއަން، 9000 މިލިއަން، 9 ބިލިއަން ރުފިޔާގެ ޕެންޑިންގ ބިލްސް، އަޅުގަނޑުމެންނާ ސަރުކާރު ހަވާލުވިއިރު އެބައޮތް، ކުރީ ސަރުކާރުން ރައްޔިތުންނަށް ނުދީ."

ރައީސުލްޖުމްހޫރިއްޔާ ޑރ. މުހައްމަދު މުޢިއްޒު

ރައީސުލްޖުމްހޫރިއްޔާ ވިދާޅުވީ، އެދަރަންޏަކީ، ސަރުކާރުގެ ގާތްގަނޑަކަށް ފަންސާހަކަށް ކުންފުނީގައި ހުރި ދަރަނިތައް ކަމަށެވެ. އަދި ވެރިކަމުގެ މިތިންމަހު ކުރައްވަމުން ގެންދަވާ ކަމަކީ، ދަރަނިތައް ދެއްކުން ކަމުގައި ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާގެ މިވިދާޅުވުމަށް، ކުރީގެ ފިނޭންސް މިނިސްޓަރ އިބްރާހީމް އަމީރު ވަނީ ރައްދު ދެއްވާފައެވެ. އަމީރު ފާހަގަކުރެއްވި ގޮތުގައި، ސަރުކާރެއް ބަދަލުވާއިރު، ބަދަލުވެގެން ދަނީ އެސަރުކާރަކުން ހިންގި ހުރިހާ މަޝްރޫޢުތަކާއި ކުރުވި މަސައްކަތްތަކަށް ފައިސާ ދޫކޮށްފައެއް ނޫނެވެ. އަދި ސަރުކާރުތައް ބަދަލުވިޔަސް ޤައުމު ނުހުއްޓި ކުރިޔަށް ދާނެ ކަމަށާއި، 2018 ވަނަ އަހަރު ސަރުކާރު ބަދަލުވިއިރުވެސް އެތައް ބިލިއަން ރުފިޔާގެ ބިލްތައް ދައްކަން އޮތް ކަމުގައި، އަމީރު ވިދާޅުވިއެވެ. 

ސަރުކާރަށް އަމިއްލަ ކުންފުނިތަކުން ކޮށްދޭ މަސައްކަތްތަކަށް، ބިލްކުރާ މުއްދަތުގެ ތެރޭގައި ފައިސާ ނުލިބުމުގެ ކަންބޮޑުވުންތައް އަމިއްލަ ކުންފުނިތަކުން އަބަދުވެސް ފާހަގަކުރެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.