Advertisement
ރަޝިއާގެ އިދިކޮޅު ލީޑަރު ނަވަލްނީ -- ފޮޓޯ: އަލްޖަޒީރާ
ރަޝިއާގެ އިދިކޮޅު ލީޑަރު އެލެކްސީ ނަވަލްނީ މަރުވެއްޖެ
ރަޝިއާގެ އިދިކޮޅު ލީޑަރު، އެލެކްސީ ނަވަލްނީ ޖަލު ބަންދުގައި ހުންނަވަނިކޮށް މަރުވެއްޖެއެވެ.
ކްރެމްލިން އިން ވަނީ ނަވަލްނީ މަރުވެފައިވާ ކަން ކަށަވަރުކޮށްދީފައެވެ. އަދި ނަވަލްނީގެ މަރާއި ގުޅޭ މައުލޫމާތު، ރަޝިއާގެ ރައީސް ލަޑިމިއާ ޕޫޓިންއަށް އަރުވާފައިވާ ކަމުގައި، ކްރެމްލިންގެ ތަރުޖަމާނު ޑިމިޓްރީ ޕެސްކޯވް ވަނީ ވިދާޅުވެފައެވެ.
ނަވަލްނީ ޖަލުގައި މަރުވެއްޖެކަމަށް ރަޝިއާގެ ރަސްމީ ފަރާތްތަކުން އިއުލާނު ކުރި އިރު އޭނާ ގެންދެވީ 19 އަހަރުގެ ޖަލު ހުކުމެއް ތަންފީޒު ކުރައްވަމުންނެވެ.
Advertisement
ނަވަލްނީއަކީ ރަޝިއާގެ މިހާރުގެ ރައީ ލަޑިމިއާ ޕޫޓިންގެ ސަރުކާރާާއި ދެކޮޅަށް، ރަޝިއާގެ ތެރޭގައި އެންމެ ބޮޑެތި ސިޔާސީ ހަރަކާތްތައް ހިންގެވި ލީޑަރެވެ. މީގެ ކުރިން އޭނާ މަރާލުމަށް ޒަހަރުވެސް ދީފައިވާ އިރު އެކަމުގައިވެސް ތުހުމަތުކުރެވިފައި ވަނީ، ރަޝިއާގެ ސަރުކާރަށެވެ.
ނަވަލްނީ މަރުވެއްޖެކަމަށް ރަޝިއާގެ ކަމާއި ބެހޭ ފަރާތްތަކުން ބުނުމާއި އެކު، ނަވަލްނީގެ މަރާއި މެދު ޔޫރަޕުގެ ޤައުމުތަކުގެ ވެރިިންނާއި ސިޔާސީ ލީޑަރުންވެސް ވަނީ ސުވާލު އުފައްދާފައެވެ. ނަވަލްނީގެ މަރުގެ ޒިންމާ ރަޝިއާ ސަރުކާރުން އުފުލަން ޖެހޭނެ ކަމުގައިވެސް ޔޫރަޕްގެ ލީޑަރުން ވަނީ ވިދާޅުވެފައެވެ.
