'ޗާލު' ޕްރޮގްރާމަކީ 'ނޫން.ޑޮޓް.އެމް.ވީ' އިން އެކްސްކުލޫސިވް ކޮށް ގެނެސްދޭ ލައިފް ސްޓައިލްސް އަށް ހާއްސަ ޕްރޮގްރާމެކެވެ. މި ޕްރޮގްރާމް ގެނެސްދީފައިވަނީ މަޝްހޫރު މޭކަޕް އާޓިސްޓު ރިޒްނާ އަހުމަދެވެ. ކުރު ވީޑިއޯތަކަކަށް ބަހާލައިގެން ގެނެސްދޭ ޗާލު ޕްރޮގްރާމްގެ އެކި ސެގްމަންޓުތައް ހިމެނެއެވެ. އެގޮތުން، ފެޝަން، ލައިފް ސްޓައިލްސް، އަދި އެ އިރެއްގެ ޓްރެންޑާއި ގުޅޭ ކަހަލަ ޕްރޮގްރާމަކަށް މި ޕްރޮގްރާމް ވެގެން ދާނެއެވެ. ފުރަތަމަ ސެގްމަންޓުގައި ހިމެނޭ ވީޑިއޯތައް ހާއްސަކޮށްލާފައިވަނީ އެކިއެކި މުނާސަބާތަކާއި ގުޅުވައިގެން އަމިއްލައަށް ގޭގައިވެސް ވަރަށް ރީއްޗަށް ހިޖާބު އެޅިދާނެ ސްޓައިލްތަކަކަށެވެ.

ފުރަތަމަ ވީޑިއޯގައި ހިޖާބު ސްޓައިލްކޮށްދީފައިވަނީ އަޅުގަނޑުމެންގެ ހޮސްޓު ރިޒްނާއެވެ. ނަމަވެސް، ކުރިއަށްހުރި ވީޑިއޯތަކުން ރާއްޖޭގެ މަޝްހޫރު އެހެނިހެން އާޓިސްޓުން ވެސް ފެނިގެންދާނެއެވެ. ބޭނުމަކީ އެކި ކަހަލަ ތަފާތު ސްޓައިލްތައް ތި އެންމެހާ ފަރާތްތަކާއި ހަމައަށް ގެނެސްދިނުމެވެ.

ފުރަތަމަ ވީޑިއޯގައި ގެނެސްދީފައިވަނީ މޮޑެސްޓް ސްޓައިލެކެވެ. އަދި މި ސްޓައިލް ކޮންމެ ވައްތަރެއްގެ ހިޖާބު މެޓީރިއަލް އަކުން ވެސް އެޅިދާނެއެވެ. މި ވައްތަރު ސްޓައިލް ކޮށްލާނެގޮތް ވީޑިއޯގައި ވަރަށް ސާފުކޮށް ރިޒްނާ ވަނީ ކިޔައިދީފައެވެ. އަދި މި ސްޓައިލް މޮޑެސްޓްކޮށް، އިވެންޓަކަށް ނުވަތަ ފޯމަލްކޮށް އަޅާއިރު އެޑްޖަސްޓް ކުރަންވީ ގޮތާއި، އިތުރަށް ބޭނުންނަމަ، ކުޑަކުޑަ ޓްވިސްޓެއް ހިޖާބް އެޅުމުގައި ގެނެވިދާނެ ގޮތެއް ވެސް ރިޒްނާ ކިޔައިދީފައިވެއެވެ. ވީމާ، މި ސްޓައިލް ކަމުދާ ބޭފުޅުން މި ވީޑިއޯ ބައްލަވާލެއްވުމަށްފަހު އަވަހަށް 'ނޫން'ގެ ޔޫޓިއުބް ޗަނަލަށް ސަބްސްކްރައިބް ކޮށްލައްވާށެވެ.

Advertisement