ގްރޭޓަރ މާލެ ޞަރަހައްދުގައި ކާބޯތަކެތީގެ ޚިދުމަތްދޭ ތަންތަން ބަލާފާސްކުރުމުގެ ހަރަކާތެއް ކުރިއަށް ގެންދިއުމަށް ހެލްތް ޕްރޮޓެކްޝަން އެޖެންސީ، އެޗްޕީއޭއިން ނިންމައިފިއެވެ.

އެޗްޕީއޭއިން ބުނީ ކޮންމެ އަހަރަކުވެސް ރަމަޟާން މަސް ފެށުމުގެ ކުރިން ކާބޯތަކެތީގެ ޚިދުމަތްދޭ ތަންތަނަށް ޚާއްސަ އިންސްޕެކްޝަނެއް ކުރިއަށް ގެންދާކަމަށެވެ. މިއަހަރުވެސް ރަމަޟާން މަސް ފެށުމުގެ ކުރިން މި އިންސްޕެކްޝަން ކުރިއަށްގެންދިއުމަށް ނިންމާފައިވާކަމަށެވެ.

މި އިންސްޕެކްޝަން ކުރިއަށްދާނީ މި މަހުގެ 18 އިން ފެށިގެންނެވެ. މި އިންސްޕެކްޝަންގައި ގްރޭޓަރ މާލޭ ސަރަޙައްދުގައި ކާބޯތަކެތީގެ ޚިދުމަތްދޭ ތަންތަނަށް ޒިޔާރަތްކޮށް ބަލާ ފާސްކުރާނެއެވެ. 

މި އިންސްޕެކްޝަންގެ މައިގަނޑު ބޭނުމަކީ ކާބޯތަކެތީގެ ޚިދުމަތްދޭ ތަންތަނުގެ ސާފުތާހިރުކަމުގެ މިންގަނޑުތައް ދެމެހެއްޓުމަށް ބާރުއަޅައި، އާއްމު ޞިއްހަތަށް ރައްކާތެރިގޮތުގައި ޚިދުމަތް ދިނުމަށް ބާރުވެރިކޮށް އަހުލުވެރިކުރުވުމެވެ. 

މި ޙަރަކާތް ކުރިއަށް ގެންދެވެނީ މާލޭ ސިޓީ ކައުންސިލާއި، ހައުސިންގ ޑިވެލޮޕްމަންޓް ކޯޕަރޭޝަނާއި، ހުޅުމާލޭ ހޮސްޕިޓަލް އަދި ކަމާ ގުޅުން ހުރި މުއައްސަސާތައް ގުޅިގެންންކަމަށް އެޗްޕީއޭއިން ވަނީ ބުނެފައެވެ.