ރައްޔިތުންގެ މަޖިލީހުގެ އިންތިޚާބަށް ވާދަކުރަން ބޭނުންވާ ފަރާތްތަކަށް ކެންޑިޑެންސީ ހުށައެޅުމަށް ހުޅުވާލާއިފައިވާ ފުރުޞަތު މިއަދުގެ މެންދުރުފަހު 2:00އަށް ހަމަވާއިރު އިއްޔެއާ ހަމައަށް، 295 މީހުން ކެންޑިޑެންސީ ފޯމް ހުށައަޅާފައިވާ ކަމުގައި އިލެކްޝަންސް ކޮމިޝަނުން ވިދާޅުވެއްޖެއެވެ.

އިލެކްޝަންސް ކޮމިޝަންގެ ނައިބު ރައީސް އިސްމާއީލް ޙަބީބު ވިދާޅުވީ، އިއްޔެ އެކަނިވެސް 112 މީހުން ކެންޑިޑެންސީ ހުށައަޅާފައިވާ ކަމަށެވެ. 

ޙަބީބު ވިދާޅުވީ، ފޯމުތަކުގެ ސައްހަކަން ކަށަވަރުވުމާއެކު، ހުށަހެޅުންތަކަށް، އިލެކްޝަންސް ކޮމިޝަނުން ޖަވާބު ދޭނެކަމަށާއި، ފޯމު ބަލައިގަތުމުގެ ވަގުތު، އިލެކްޝަންސް ކޮމިޝަނުން، އިތުރު ނުކުރާނެ ކަމަށެވެ.

މިހާރު އޮތް ގޮތުން ރައްޔިތުންގެ މަޖިލީހުގެ އިންތިޚާބުގެ ވޯޓުލުން އޮންނާނީ ކުރިޔަށް އޮތް މާރިޗު މަހުގެ 17 ވަނަ ދުވަހުގައެވެ.