ތުރުކީގައި ބާއްވާ އީސްޓް މެޑިޓަރޭނިއަން އިންޓަނޭޝަނަލް ޓްރެވަލް އެންޑް ޓޫރިޒަމް އެގްޒިބިޝަން، އެމިޓް ފެއަރގައި މޯލްޑިވްސް މާކެޓިންގް އެންޑް ޕަބްލިކް ރިލޭޝަންސް ކޯޕަރޭޝަން އެމްއެމްޕީއާރުސީން ބައިވެރިވެއްޖެއެވެ. އެމިޓް ފެއަރއަކީ އީސްޓް މެޑިޓަރޭނިއަން ސަރަހައްދުގައި ބާއްވާ އެންމެ ބޮޑު އެއް ޓްރެވަލް ފެއަރއެވެ.

މި ފެއަރ ކުރިއަށްދަނީ މިމަހުގެ 09 ނިއަލަށް ތުރުކީގެ އިސްތަންބޫލްގެ ޓޫޔާފް ފެއާ އެންޑް ކޮންގްރެސް ސެންޓަރުގައެވެ. މި ފެއަރގައި ދިވެހިރާއްޖޭގެ ފަތުރުވެރިކަމުގެ ސިނާއަތުގެ 12 ކުންފުންޏަކުން 19 މަންދޫބުން ބައިވެރިވެ ދަނީ ރާއްޖެ އިޝްތިހާރުކުރަމުންނެވެ.

މިފެއަރގެ ސަބަބުން އެމްއެމްޕީއާރުސީގެ މާކެޓިންގ ސްޓްރެޓެޖީތަކާއި އެއްގޮތަށް ދިވެހިރާއްޖެ، އައު މާކެޓްތަކުގައި ޕްރޮމޯޓްކުރުމަށާއި ދިވެހިރާއްޖޭގެ ބްރޭންޑް އިތުރަށް ހަރުދަނާކޮށްދިނުމަށް އެހީވެދޭނެ ކަަމަށް އެމްއެމްޕީއާރުސީން ވަނީ ބުނެފައެވެ.

ތުރުކީން ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުވަމުން އަންނަ ކަމަށް އެމްއެމްޕީއާރުސީން ވަނީ ބުނެފައެވެ. އެގޮތުން މިދިޔައަހަރު ރާއްޖެއަށްވަނީ ތުރުކީގެ 12،856 ފަތުރުވެރިން ޒިޔާރަތްކޮށްފައެވެ.