Advertisement

ރައިސުލްޖުމްހޫރިއްޔާ ޑރ. މުޙައްމަދު މުޢިއްޒު

06 Feb 2024
ޚަބަރު
ޢަލީ ސުލައިމާން

ކުރިޔަށް އޮތީ އިޤުތިޞާދީ ގޮތުން ދަތި ދުވަސް ވަރެއް ކަމަށާއި އެކަން ރައްޔިތުން ޤަބޫލު ކުރެއްވުމަށް އެދިވަޑައިގަންނަވާ ކަމުގައި ރައީސުލްޖުމްހޫރިއްޔާ ވިދާޅުވެއްޖެ

ކުރިޔަށް އޮތް ދުވަސްތަކަކީ އިޤުތިޞާދީ ގޮތުން ދަތިތަކާއި ކުރިމަތިވާނެ ޙައްޞާސް ދުވަސްތަކަކަށް ވާނެ ކަމުގައި ރައީސުލްޖުްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެެއެވެ.

އެމަނިކުފާނު މިހެން ވިދާޅުވީ، މިއަދު ކޮޅުމަޑުލުގެ ރަށްތަކަށް ފެއްޓެވި، ރަސްމީ ދަތުރުފުޅުގައި، ތ. ގުރައިދޫއަށް ވަޑައިގެން އެރަށުގެ ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައެވެ.

ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، ކުރިއަށް އޮތް މިއޮތް ދެ މަހެއްހާ ދުވަހަކީ، ސަރުކާރަށް އެންމެ ބޮޑަށް އިޤުތިޞާދީ ދަތިތަކާއި ކުރިމަތިވާނެ ދެމަސް ދުވަސްކަމަށެވެ.

"ހުރިހާ ރަށެއްގެ ރައްޔިތުންވެސް މިވަގުތު ގަބޫލުކުރަންވީ މި ޙަޤީޤަތް. ކުރިއަށް މިއޮތް ދެ މަހެއްހާ ދުވަސް، ދެތިން މަސްދުވަސް އެންމެ އުނދަގުލީ، ކަންދިމާކުރި ގޮތުން. އަޅުގަނޑުމެންގެ އާމްދަނީ ހޯދުމުގެ ކަންތައްތައް ވަރުގަދަކުރަން ޖެހިފައި އޮތް މި ދަނޑިވަޅުގައި، އެންމެ ޙައްޞާޞް ވަގުތު މިއީ."

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު

އިޤުތިޞާދީ ގޮތުން ދަތިކަން ބޮޑު ދުވަސްތަކެއް ކުރިމަތިވަމުން އަންނަކަމުގެ ސިގްނަލް ދެއްވަމުން ރައީސުލްޖުމްހޫރިއްޔާ ވިދާޅުވީ، އެހަޤީޤަތް ރައްޔިތުން ޤަބޫލުކުރެއްވުމަށް އެދިވަޑައިގަންނަވާ ކަމަށެވެ.

މީގެ އިތުރުން، ކުރިޔަށް އޮތް ރައްޔިތުންގެ މަޖިލީހުގެ އިންތިޚާބާއި ގުޅޭ ގޮތުން ރައީސުލްޖުމްހޫރިއްޔާ ވިދާޅުވީ، އިޤުތިޞާދީ ޙާލަތު މިހާދަށުގައި އޮއްވައި އިންތިޚާބާއި ދިމާކޮށް، މަޝްރޫޢުތައް އިއުލާނުކުރުމަކީ، ނަތީޖާއެއް ނުކުންނާނޭ ކަމަކަށް ނުވާނެ ކަމަށާއި އެމަނިކުފާނު ބޭނުންވަނީ ޙަޤީޤީ މާނައިގައި ތަރައްޤީ ގެނެސްދޭން ކަމަށެވެ. ރައީސުލްޖުމްހޫރިއްޔާ މިމޭރުމުން ވާހަކަފުޅު ދެއްކެވި އިރު، އެއްވެސް ތަރައްޤީގެ ޕްލޭނެއް ނެތި އަދި، މަޝްރޫޢު ހިންގާނެ ފައިސާ ނުހޯދައި ފުށި ދިއްގަރުފަޅު ހިއްކައިގެން ރަސްމާލޭގެ ނަމުގައި މުޅިން އައު ސިޓީއެއް ބިނާކުރުމަށް ފެށި މަޝްރޫޢުގެ މަސައްކަތްތައްވެސް ވަނީ މަޑުޖެހިފައެވެ. އެ މަޝްރޫޢަކީ އިދިކޮޅު ފަރާތްތަކުން އެންމެ ބޮޑަށް ފާޑުކިޔާފައިވާ މަޝްރޫޢެވެ.

އިޤުތިޞާދީ ހާލަތު ދަށްވެ ކުރިއަށް އޮތް ދެތިން މަހަކީ، ޙައްޞާސް އަދި އުނދަގޫ ދެމަހަށް ވެގެންދާނެ ކަމުގައި ރައީސުލްޖުމްހޫރިއްޔާ ވިދާޅުވިއިރު، ކުރިޔަށް އޮތީ ރަމަޟާން މަހެވެ. ރަމަޟާން މަހުުގެ ޢިނާޔަތުގެ ގޮތުގައި އަންނަ މަހުގެ ކުރީ ކޮޅު ނުވަތަ މިމަހުގެ މުސާރަ އާއި އެކު ދައުލަތުގެ މުވައްޒަފުންނަށް އިނާޔަތު ފައިސާ ދޭން ޖެހޭއިރު، ސަރުކާރު މުވައްޒަފުންނަށް މުސާރަ އާއި އިނާޔަތްތައް ދިނުން ދަތިވާ ދަރަޖައަށް ދައުލަތުގެ މާލީ ހާލަތު ގޯސްވެއްޖެކަމުގައި، މާލީ ދާއިރާގެ ކަންކަން އެނގޭ ތަޖުރިބާކާރު ބޭފުޅުން ވަނީ ވިދާޅުވެފައެވެ.

ވެރިކަމާއި ހަވާލުވެ ވަޑައިގެންނެވި އިރު، ރާއްޖޭގެ އިޤުތިޞާދު އޮތީ ހަލާކުކޮށްލާފައި ކަމަށާއި، ޤައުމު އޮތީ ދަރަނިވެރިވެފައި ކަމުގައި ރައީސުލްޖުމްހޫރިއްޔާ ވިދާޅުވަމުން ގެންދަވާއިރު، ކުރީ ސަރުކާރުގައި މާލީ ދާއިރާތަކުގައި މަސައްކަތް ކުރެއްވި ބޭފުޅުން ވިދާޅުވެފައި ވަނީ، ދައުލަތުގެ މާލީ ހާލަތު ގޯސްވަމުން ދަނީ، މިސަރުކާރަށް އިޤުތިޞާދު މެނޭޖް ނުކުރެވިގެން ކަމަށާއި، އިޤުތިޞާދީ ގޮތުން އަޅަމުންދާ ގޯސްފިޔަވަޅު ތަކުގެ ސަބަބުން ކަމަށެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.